ଭାରତୀୟ ସେନା ୟୁନିଫର୍ମରେ ପରିବର୍ତ୍ତନ: ଏଣିକି ବ୍ରିଗେଡିୟର ଓ ଉପର ଅଧିକାରୀମାନେ ମଧ୍ୟ ସୈନ୍ୟଙ୍କ ଭଳି ଗୋଟିଏ ପ୍ରକାର ୟୁନିଫର୍ମ ପିନ୍ଧିବେ
ନୂଆଦିଲ୍ଲୀ: ଭାରତୀୟ ସେନାର ୟୁନିଫର୍ମକୁ ନେଇ ଏକ ବଡ ପରିବର୍ତ୍ତନ କରାଯାଇଛି । ଏଣିକି ସୈନ୍ୟଙ୍କ ସହ ବଡ ବଡ ପଦବୀର ଅଧିକାରୀମାନେ ମଧ୍ୟ ଗୋଟିଏ ପ୍ରକାର ୟୁନିଫର୍ମ ପିନ୍ଧିବେ । ଏ ନେଇ ଏକ ନୂଆ ନିୟମ ଲାଗୁ ହୋଇଛି । ସେନାର ବ୍ରିଗେଡିୟର ଏବଂ ଏହାଠୁ ଉଚ୍ଚ ପଦର ଅଧିକାରୀମାନେ ମଧ୍ୟ ସମାନ ପ୍ରକାରର ୟୁନିଫର୍ମ ପିନ୍ଧିବେ । ତେବେ ସେନାର କର୍ଣ୍ଣଲ ଏବଂ ଏହାଠୁ ତଳ ର୍ୟାଙ୍କର ଅଧିକାରୀଙ୍କ ୟୁନିଫର୍ମରେ କୌଣସି ପରିବର୍ତ୍ତନ ହୋଇନାହିଁ ।
ଭାରତୀୟ ସେନାର ସୂଚନା ଅନୁଯାୟୀ, ଆସନ୍ତା ଅଗଷ୍ଟ ୧ ତାରିଖରୁ ବ୍ରିଗେଡିୟର ଏବଂ ଉପର ଅଧିକାରୀଙ୍କ ପାଇଁ ଗୋଟିଏ ପ୍ରକାର ୟୁନିଫର୍ମ ହେବ । ନିକଟରେ ସେନା କମାଣ୍ଡର ସମ୍ମିଳନୀରେ ଏ ନେଇ ବିସ୍ତୃତ ବିଚାର-ବିମର୍ଶ ହେବା ପରେ ଏ ନେଇ ଏକ ବଡ ନିଷ୍ପତ୍ତି ନିଆଯାଇଛି । ତେବେ ବରିଷ୍ଠ ଅଧିକାରୀଙ୍କ ଯୋପି, କାନ୍ଧରେ ବ୍ୟାଜ୍, ଗୋରଗେଟ ପ୍ୟାଚ୍, ବେଲ୍ଟ ଏବଂ ଜୋତାର ମାନକହେବ ବୋଲି ଜାଣିବାକୁ ମିଳିଛି । କର୍ଣ୍ଣଲ ଏବଂ ଏହାଠାରୁ ତଳ ପଦରେ ନିୟୋଜିତ ଅଧିକାରୀଙ୍କ ୟୁନିଫର୍ମରେ କୌଣସି ପରିବର୍ତ୍ତନ କରାଯାଇ ନାହିଁ । ବିଶେଷ ସୂତ୍ରରୁ ଜଣା ଯାଇଛି ଯେ, ବରିଷ୍ଠ ନେତୃତ୍ୱଙ୍କ ମଧ୍ୟରେ ସେବା ମାମଲାରେ ସାମାନ୍ୟ ପରିଚୟ ଏବଂ ଦୃଷ୍ଟିକୋଣକୁ ପ୍ରୋତ୍ସାହନ ଦେବା ଏବଂ ମଜବୁତ କରିବା ପାଇଁ ଭାରତୀୟ ସେନା ବ୍ରିଗେଡିୟର ଏବଂ ବଡ ଅଧିକାରୀମାନଙ୍କ ପାଇଁ ସମାନ ୟୁନିଫର୍ମ ବ୍ୟବସ୍ଥା ଲାଗୁ କରିଛନ୍ତି ।
ୟୁନିଟ ବା ବାଟାଲିୟନର ଦାୟିତ୍ୱ ନେଇ ସାରିଥିବା ଏବଂ ବିଭିନ୍ନ ମୁଖ୍ୟାଳୟ କିମ୍ବା ପ୍ରତିଷ୍ଠାନ(ଯେଉଁଠାରେ ଅସ୍ତ୍ରଶସ୍ତ୍ର ଏବଂ ସେବାର) ରେ ପୋଷ୍ଟ ହୋଇଥିବା ଅଧିକାରୀଙ୍କ ସହ କାମ କରି ସାରିଥିବା ଅଧିକାରୀମାନେ ଭାରତୀୟ ସେନାରେ ବ୍ରିଗେଡିୟର ଏବଂ ବଡ ପଦାଧିକାରୀରେ ନିୟୋଜିତ ହୋଇଥାନ୍ତି । ସେନାର ପ୍ରକୃତ ନୈତିକତାକୁ ପ୍ରତିଫଳିତ କରୁଥିବା ଏକ ମାନକ ୟୁନିଫର୍ମ ସମସ୍ତ ବରିଷ୍ଠ ପଦବୀ ଅଧିକାରୀଙ୍କ ପାଇଁ ଏକ ସାଧାରଣ ପରିଚୟ ପାଇଁ ନିଶ୍ଚିତ କରିବ ।
