ବିଶ୍ୱ ଟେବୁଲ ଟେନିସ ଚାମ୍ପିୟନ୍ସିପ୍ରେ ଭାରତର ଅଭିଯାନ ଶେଷ: ପ୍ରି-କ୍ୱାର୍ଟରଫାଇନାଲ୍ରେ ଚୀନ ଠାରୁ ପରାସ୍ତ
ନୂଆଦିଲ୍ଲୀ: ବିଶ୍ୱ ଟେବୁଲ ଟେନିସ ଚାମ୍ପିୟନ୍ସିପ୍ରେ ଭାରତର ଅଭିଯାନ ଶେଷ ହୋଇଛି। ଗୁରୁବାର ପ୍ରି-କ୍ୱାର୍ଟର ଫାଇନାଲ୍ ଚୀନ ଠାରୁ ପରାସ୍ତ ହେବା ପରେ ପ୍ରତିଯୋଗିତାରୁ ବାଦ ପଡ଼ିଛି ଭାରତୀୟ ପୁରୁଷ ଟେବୁଲ ଟେନିସ ଦଳ। ଆଜିର ମ୍ୟାଚ୍ରେ ଭାରତୀୟ ଦଳ ଉପରେ ସହଜ ବିଜୟ ପ୍ରାପ୍ତ କରିଥିଲା ଚୀନ। ମ୍ୟାଚ୍କୁ ୩-୦ରେ ଜିତି ନେଇଥିଲା ବେଜିଂ। ଏହି ବିଜୟ ସହ ଚୀନ ବିଶ୍ୱ ଟେବୁଲ ଟେନିସ ଚାମ୍ପିୟନ୍ସିପ୍ରେ କ୍ୱାର୍ଟରଫାଇନାଲ୍ରେ ପ୍ରବେଶ କରିଛି।
ଭାରତର ହରମୀତ ଦେସାଇ ମ୍ୟାଚ୍ ଆରମ୍ଭ କରିଥିଲେ ବି ମାତ୍ର ୧୫ ମିନିଟ୍ରେ ଚୀନର ଫାନ୍ ଝେଣ୍ଡୋଙ୍ଗ ତାଙ୍କୁ ୧୧-୨,୧୧-୯, ୧୧-୫ ସ୍କୋରରେ ପରାସ୍ତ କରିଛନ୍ତି। ସେହିପରି ଜି ସାଥିୟାନଙ୍କ ମୁକାବିଲା ଚୀନର ମା ଲଙ୍ଗଙ୍କ ସହ ହୋଇଥିଲା ଉଭୟଙ୍କ ମଧ୍ୟରେ ପ୍ରଥମ ପାଳିରୁ ହିଁ ଖେଳ ଆଟାକିଂ ମୋଡ୍ରେ ଖେଳ ହୋଇଥିଲା।
ତେବେ ସାଥିଆନ ପ୍ରଥମ ପାଳି ୧୨-୧୪ରେ ପଛରେ ରହିବା ପରେ ପରବର୍ତ୍ତି ଦୁଇଟି ପର୍ଯ୍ୟାୟରେ ବି ୫-୧୧ ଓ ୦-୧୧ରେ ପରାସ୍ତ ହୋଇଥିଲେ। ସେହିପରି ମନୁଶ ସିଂହ ଚୀନର ୱାଙ୍ଗ ଚୁକିନଙ୍କ ଠାରୁ ୧୧-୪, ୧୧-୫,୧୧-୬ରେ ପରାସ୍ତ ହୋଇଛନ୍ତି। ଏହି ବିଜୟ ସହ ଚୀନ ବିଶ୍ୱ ଟେବୁଲ ଟେନିସ ଚାମ୍ପିୟନ୍ସିପ୍ରେ କ୍ୱାର୍ଟରଫାଇନାଲ୍ରେ ପ୍ରବେଶ କରିଛି।
