ପରବର୍ତ୍ତୀ ପ୍ରଧାନ ବିଚାରପତି ହେବେ ଜଷ୍ଟିସ ଡିୱାଇ ଚନ୍ଦ୍ରଚୂଡ଼
ନୂଆଦିଲ୍ଲୀ: ଦେଶର ପରବର୍ତ୍ତୀ ପ୍ରଧାନ ବିଚାରପତି ହେବେ ଜଷ୍ଟିସ ଡିୱାଇ ଚନ୍ଦ୍ରଚୂଡ଼ । ନିଜ ଉତ୍ତରାଧିକାରୀ ଭାବେ ଚନ୍ଦ୍ରଚୂଡ଼ଙ୍କ ନାଁ ସୁପାରିସ କରିଛନ୍ତି ପ୍ରଧାନ ବିଚାରପତି ୟୁୟୁ ଲଳିତ । ଚଳିତ ବର୍ଷ 8 ନଭେମ୍ବରରେ ଅବସରର ନେବେ ପ୍ରଧାନ ବିଚାରପତି ୟୁୟୁ ଲଳିତ । 50ତମ ପ୍ରଧାନ ବିଚାରପତି ଭାବେ ନଭେମ୍ବର 9ରେ ଶପଥ ନେବେ ଡିୱାଇ ଚନ୍ଦ୍ରଚୂଡ଼ । ଅବସର ପୂର୍ବରୁ ଉତ୍ତରାଧିକାରୀ ସୁପାରିଶ କରିବା ପାଇଁ ବିଚାରପତି ଜଷ୍ଟିସ ୟୁୟୁ ଲଳିତ୍ଙ୍କୁ କେନ୍ଦ୍ର ସରକାର ଅକ୍ଟୋବର 7 ତାରିଖରେ ଚିଠି ଲେଖିଥିଲେ । ଏହାପରେ ପ୍ରକ୍ରିୟା ଆରମ୍ଭ ହୋଇଥିଲା । ବରିଷ୍ଠତା ଭିତ୍ତିରେ ଜଷ୍ଟିସ ଡିୱାଇ ଚନ୍ଦ୍ରଚୂଡ଼ଙ୍କ ନାଁ ପ୍ରସ୍ତାବ ଦେଇଛନ୍ତି ସିଜେଆଇ ୟୁୟୁ ଲଳିତ ।
ବିଚାରପତି ଜଷ୍ଟିସ ୟୁୟୁ ଲଳିତ୍ଙ୍କ ଅବସରକୁ ଆଉ ଗୋଟିଏ ମାସ ବାକି ରହିଛି । ତେଣୁ ଉତ୍ତରାଧିକାରୀ ଚୟନ କରିବାକୁ ପ୍ରଧାନ ବିଚାରପତି ଜଷ୍ଟିସ ୟୁୟୁ ଲଳିତ୍ଙ୍କୁ କେନ୍ଦ୍ର ସରକାର ଚିଠି ଲେଖିଥିଲେ । ନିୟମ ଅନୁଯାୟୀ ପ୍ରଧାନ ବିଚାରପତି ପଦଲାଗି ବରିଷ୍ଠତା ଭିତ୍ତିରେ ଚୟନ ହୋଇଥାଏ । ତେଣୁ ଜଷ୍ଟିସ ଡିୱାଇ ଚନ୍ଦ୍ରଚୂଡଙ୍କ ନାମ ସୁପାରିଶ କରିବା ନେଇ ଆଶା କରାଯାଉଥିଲା । ତାହା ହିଁ ହୋଇଛି । ଜଷ୍ଟିସ ଚନ୍ଦ୍ରଚୂଡ଼ ଦେଶର ୫୦ ତମ ପ୍ରଧାନ ବିଚାରପତି ହେବା ନେଇ ଯୋଗ୍ୟ ବିବେଚିତ ହୋଇଛନ୍ତି ।
ନଭେମ୍ବର 9 ତାରିଖରେ ଦେଶର ପ୍ରଧାନ ବିଚାରପତି ଭାବେ ଶପଥ ନେବେ ଡିୱାଇ ଚନ୍ଦ୍ରଚୂଡ । ତାଙ୍କ କାର୍ଯ୍ୟକାଳ ଦୁଇ ବର୍ଷ ଗୋଟିଏ ଦିନ ରହିବ । ୧୦ ନଭେମ୍ବର ୨୦୨୪ରେ ଚନ୍ଦ୍ରଚୂଡ଼ଙ୍କ କାର୍ଯ୍ୟକାଳ ସରିବ । 65ତମ ଜନ୍ମଦିନର ଗୋଟିଏ ଦିନ ପୂର୍ବରୁ ଅବସର ନେବେ ଡିୱାଇ ଚନ୍ଦ୍ରଚୂଡ ।
ଏନ ଭି ରମଣାଙ୍କ ପରେ ଅଗଷ୍ଟ 27ରେ ୪୯ତମ ପ୍ରଧାନ ବିଚାରପତି ଭାବେ ଶପଥ ନେଇଥିଲେ ଜଷ୍ଟିସ୍ ୟୁୟୁ ଲଳିତ। ତାଙ୍କ କାର୍ଯ୍ୟକାଳ ମାତ୍ର ୭୪ ଦିନ ଥିଲା । 1957 ନଭେମ୍ବର 9ରେ ମହାରାଷ୍ଟ୍ର ସୋଲାପୁରରେ ଜନ୍ମଗ୍ରହଣ କରିଥିଲେ ୟୁୟୁ ଲଳିତ । ତାଙ୍କ ବାପା ୟୁଆର ଲଳିତ ବମ୍ବେ ହାଇକୋର୍ଟର ଅତିରିକ୍ତ ବିଚାରପତି ଥିଲେ । ଏହାସହ ସୁପ୍ରିମକୋର୍ଟର ଜଣେ ସିନିୟର ଅଡଭୋକେଟ ଥିଲେ । 1983ରେ ଆଡଭୋକେଟ ଭାବେ ବମ୍ବେ ହାଇକୋର୍ଟରେ ପ୍ରାକ୍ଟିସ ଆରମ୍ଭ କରିଥିଲେ ୟୁୟୁ ଲଳିତ ।
ଜୁନରେ ୨୦୧୪ ଅଗଷ୍ଟ ୧୩ରେ ସୁପ୍ରିମକୋର୍ଟରେ ବିଚାରପତି ଭାବେ ନିଯୁକ୍ତି ପାଇବା ଆଗରୁ ବିଚାରପତି ଲଳିତ ସୁପ୍ରିମକୋର୍ଟର ବରିଷ୍ଠ ଆଡ୍ଭୋକେଟ ଥିଲେ । ବରିଷ୍ଠତା ଭିତ୍ତିରେ ସବୁଠୁ ଆଗରେ ରହିଥିବା ତାଙ୍କ ନାମ ସୁପାରିଶ କରିଥଲେ ପୂର୍ବତନ ପ୍ରଧାନ ବିଚାରପତି ଏନ.ଭି ରମଣା ।
ସୁପ୍ରିମକୋର୍ଟରେ ଶପଥ ଗ୍ରହଣ ସମୟରେ କିଏ ପ୍ରଧାନ ବିଚାରପତି ହେବେ ତାହା ସ୍ପଷ୍ଟ ହୋଇଥାଏ । ରେକର୍ଡ ଅନୁସାରେ 2027ରେ ଦେଶକୁ ପ୍ରଥମ ମହିଳା ପ୍ରଧାନ ବିଚାରପତି ମିଳିବେ । ଜଷ୍ଟିସ ବି ବି ନାଗରତ୍ନା ମହଜ 27 ଦିନ ପାଇଁ ଦେଶର ସର୍ବୋଚ୍ଚ ନ୍ୟାୟଳୟର ନେତୃତ୍ବ ନେବେ । ତାଙ୍କ ବାପା ଜଷ୍ଟିସ ଇଶ୍ବର ଭେଙ୍କଟରାମୟା ସୁପ୍ରିମକୋର୍ଟ ମୁଖ୍ୟ ବିଚାରପତି ରହିଥିଲେ ।
