ଚିିକିତ୍ସା ବିଜ୍ଞାନରେ ଚମତ୍କାର! କ୍ୟାନ୍‌ସର୍‌ର ଔଷଧ

ତେବେ ଏ ଔଷଧ ସମସ୍ତ କ୍ୟାନସର ରୋଗୀଙ୍କ ପାଇଁ ଫଳପ୍ରଦ କି ନାହିଁ ସେନେଇ ଅଧିକ ପରୀକ୍ଷା ନିରୀକ୍ଷା କରିବାର ଆବଶ୍ୟକତା ରହିଛି । ଯାହାକୁ ବରିଷ୍ଠ କର୍କଟ ରୋଗ ଚିକିତ୍ସକମାନେ ବି ସମର୍ଥନ କରିଛନ୍ତି । ସେମାନଙ୍କ ମତରେ ଏବେ ଯେଉଁ ଟାର୍ଗେଟେଡ୍‌ କେମୋ ଥେରାପି, ଇଫେକ୍ଟିଭ୍‌ କେମୋ ଥେରାପି ଓ୍ୱିଥ୍ ଇମିନ୍ୟୁ ଥେରାପି ମିଶାଇ କରି ଦିଆଯାଉଛି । ଯାହାକି ଅତ୍ୟାଧୁନିକ ମଳଦ୍ୱାର କ୍ୟାନସରକୁ ଭଲ କାମ ଦେଉଛି । ତେବେ ଭାରତ ଏବଂ ଓଡ଼ିଶାର ଲୋକଙ୍କ ପାଇଁ ସେ ସଂଜିବନୀ କେତେ ଫଳପ୍ରଦ ତା ଉପରେ ଅଧିକ ଗବେଷଣା ଜରୁରୀ ।

ସମସ୍ତେ ଜାଣନ୍ତି କ୍ୟାନସର ଏକ ଦୁସାଧ୍ୟ ରୋଗ । ରୋଗୀ ଏଥିରୁ ମୁକୁଳିବା ବହୁତ କମ୍ । ଏହାର ନିରାକରଣ ପାଇଁ ଏବେ ମୁଖ୍ୟତଃ ଇମ୍ୟୁନୋ ଥେରାପି ଓ କେମୋ ଥେରାପି ଭଳି ଦୁଇ ପ୍ରକାର ପଦ୍ଧତି ଅନୁସରଣ କରାଯାଉଛି । ତେବେ କର୍କଟ ରୋଗ ଚିକିତ୍ସକଙ୍କ ମତରେ ନ୍ୟୁୟର୍କରେ ଯେଉଁ ଟ୍ରିଟ୍‌ମେଣ୍ଟ ହୋଇଛି, ତାହା ଇମ୍ୟୁନୋ ଥେରାପି ଶ୍ରେଣୀର । ଆମ ଦେଶରେ ମଧ୍ୟ ଅନେକ ପ୍ରକାର କ୍ୟାନସର ରୋଗ ପାଇଁ ଇମ୍ୟୁନୋ ଥେରାପି ବ୍ୟବହାର ହେଉଛି । ଯେମିତିକି ଲଙ୍ଗ କ୍ୟାନସର, ବ୍ରେଷ୍ଟ କ୍ୟାନସର, କୋଲୋନ କ୍ୟାନସର ଓ ସ୍କିନ କ୍ୟାନସର ।

ତେବେ ମଳଦ୍ୱାର କ୍ୟାନସର ଭଲ କରିଥିବା ଡୋଷ୍ଟାରଲିମ୍ୟାବ୍ ମେଡିସିନ୍‌ର ଆଦୌ ସାଇଟ୍ ଇଫେକ୍ଟ ନାହିଁ ବୋଲି ଦାବି କରାଯାଇଛି । ଏହା ପରେ ଏହା ଏକ ଭଲ ଖବର ଓ ଏହାକୁ ଅଧିକରୁ ଅଧିକ ରୋଗୀଙ୍କ ଉପରେ ପ୍ରୟୋଗ କରାଯିବା ଦରକାର ବୋଲି କହିଛନ୍ତି ଡାକ୍ତର । ଯେହେତୁ ଏ ପ୍ରକାର ଔଷଧ ଅତ୍ୟଧିକ ବ୍ୟୟବହୁଳ, ତେଣୁ ଶୀଘ୍ର ଭାରତ ସରକାର ଏହା ଉପରେ ଅନୁଧ୍ୟାନ କରି ଶସ୍ତାରେ ଏ ପ୍ରକାର ମେଡିସିନ୍ ଉପଲବ୍ଧ କରାଇଲେ ବହୁ ଜୀବନ ରକ୍ଷା ହୋଇପାରନ୍ତା ବୋଲି କହିଛନ୍ତି କର୍କଟ ରୋଗୀଙ୍କ ସଂପର୍କୀୟ ।

କେବଳ ଭାରତ ନୁହେଁ ସାରା ବିଶ୍ୱ ପାଇଁ ଦୀର୍ଘ ବର୍ଷ ଧରି ବୃହତ୍ତ ଦୁସାଧ୍ୟ ରୋଗ ଭାବେ ଗଣାଯାଉଛି କ୍ୟାନସର । ଏମିତିକି ଫଳପ୍ରଦ ଚିକିତ୍ସା ନଥିବାରୁ ବର୍ଷକୁ ଏଥିରେ କୋଟିଏରୁ ଅଧିକ ଲୋକଙ୍କ ଜୀବନ ବି ଯାଉଛି । ତେବେ ଏଭଳି ଏକ ସମୟରେ ନ୍ୟୁୟର୍କରେ କର୍କଟ ରୋଗ ଭଲ ହେଉଥିବା ଖବର, ଯେମିତି ଚିକିତ୍ସା ବିଜ୍ଞାନ ପାଇଁ ଆଣିଛି ଏକ ନୂଆ ସଂଜବନୀ ।