ଗୁଜରାଟରେ ଭୂକମ୍ପ
ଅହମ୍ମଦାବାଦ: ଗୁଜରାଟରେ ଗୁରୁବାର ସକାଳେ ଭୂକମ୍ପ ଅନୁଭୂତ ହୋଇଛି। ସୁରଟଠାରୁ ୬୧ କିଲୋମିଟର ଦକ୍ଷିଣ-ପୂର୍ବ ଦିଗରେ ଏହି ଭୂକମ୍ପ ସ୍ଥଳ ବୋଲି କୁହାଯାଉଛି। ରିକ୍ଟର ସ୍କେଲରେ ଏହି ଭୂକମ୍ପର ତୀବ୍ରତା ୩.୫ ରହିଛି। ଏହାପୂର୍ବରୁ ବୁଧବାର ନେପାଳରେ ହୋଇଥିବା ଭୂକମ୍ପ ଯୋଗୁ ବିହାର ସମେତ ଭାରତର ଅନେକ ଅଞ୍ଚଳରେ କମ୍ପନ ଅନୁଭୂତ ହୋଇଥିଲା।
ନ୍ୟାସନାଲ ସେଣ୍ଟର ଫର ସେସମୋଲୋଜି ଅନୁଯାୟୀ, ସୁରଟର ୬୧ କିଲୋମିଟର ଦକ୍ଷିଣ-ପୂର୍ବରେ ଆଜି ସକାଳ ପ୍ରାୟ ୧୦.୨୬ ସମୟରେ ଏହି ଭୂକମ୍ପ ଘଟିଛି। ଭୂକମ୍ପର ଗଭୀରତା ଭୂମିଠାରୁ ୭ କିଲୋମିଟର ତଳେ ଥିଲା। ଯେହେତୁ ଏହି ଭୂକମ୍ପ ଶକ୍ତିଶାଳୀ ନ ଥିଲା, କେବଳ ଲୋକମାନେ ଏହାକୁ ଅନୁଭବ କରିଥିଲେ ଏବଂ ବର୍ତ୍ତମାନ ପର୍ଯ୍ୟନ୍ତ ଜୀବନ ଏବଂ ସମ୍ପତ୍ତି ନଷ୍ଟ ହେବାର ଖବର ନାହିଁ।
