ଟ୍ୱିଟରଠାରୁ ଅଲଗା ହେବା ପରେ ନୂଆ ସୋସିଆଲ ମିଡିଆ ଆପ୍ ବ୍ଲୁ ସ୍କାଏ ଆଣିବେ ଜାକ ଡୋର୍ସି
ନୂଆଦିଲ୍ଲୀ: ଟ୍ୱିଟରଠାରୁ ଅଲଗା ହେବା ପରେ କମ୍ପାନିର ସହ-ପ୍ରତିଷ୍ଠାତା ଏବଂ ସିଇଓ ଜାକ ଡୋର୍ସି ଏବେ ନିଜର ନୂଆ ସୋସିଆଲ ମିଡିଆ ପ୍ଲାଟଫର୍ମ ଉପରେ କାମ କରିବା ଆରମ୍ଭ କରିଛନ୍ତି । ନିକଟରେ ଏଲନ ମସ୍କ ଟ୍ୱିଟରକୁ ଅଧିଗ୍ରହଣ କରିଛନ୍ତି । ତେବେ କିଛି ମାସ ପୂର୍ବରୁ ହିଁ ମସ୍କ ଟ୍ୱିଟରକୁ କିଣିବା ନେଇ ଘୋଷଣା କରିଥିଲେ ଏବଂ ଏହାର କିଛି ଦିନ ପରେ ଜାକ୍ ଡୋର୍ସି ଟ୍ୱିଟର ବୋର୍ଡରୁ ଇସ୍ତଫା ଦେଇଥିଲେ ।
ରିପୋର୍ଟ ଅନୁସାରେ, ଏବେ ଜାକ ଡୋର୍ସି ଏକ ନୂଆ ସୋସିଆଲ ମିଡିଆ ପ୍ଲାଟଫର୍ମ ଆପଲିକେସନ ଟେଷ୍ଟିଂ କରୁଛନ୍ତି । ଏଲନ ମସ୍କଙ୍କ ଟ୍ୱିଟର ଅଧିଗ୍ରହଣର ଗୋଟିଏ ସପ୍ତାହ ପୂର୍ବରୁ ଡୋର୍ସି ଏହି ଘୋଷଣା କରିଥିଲେ ଯେ, ତାଙ୍କ ସୋସିଆଲ ମିଡିଆ ଆପ୍ ବ୍ଲୁସ୍କାଏ(Bluesky) ଏବେ ବିଟା ଟେଷ୍ଟିଂ ସ୍ତରରେ ରହିଛି।
It’s a competitor to any company trying to own the underlying fundamentals for social media or the data of the people using it
— jack (@jack) October 18, 2022
ଗତ ସପ୍ତାହରେ ଡୋର୍ସି କହିଥିଲେ ଯେ, ସେ ନିଜର ପରବର୍ତ୍ତୀ ପ୍ରୋଟୋକଲ ଟେଷ୍ଟିଂ ଦିଗରେ ଆଗକୁ ବଢୁଛି । ଏହା ଏକ ଜଟିଳ ପ୍ରକ୍ରିୟା । ଥରେ ନେଟୱାର୍କ ପ୍ରସ୍ତୁତ ହେବା ପରେ ଏହାକୁ ଅନେକ ପାର୍ଟି ସହ ସମନ୍ୱୟର ଆବଶ୍ୟକତା ରହିଥାଏ, ଏଥିପାଇଁ କମ୍ପାନି ସେହି ପ୍ରସଙ୍ଗକୁ ସମାଧାନ କରିବା ବିଟା ଟେଷ୍ଟିଂ ଆରମ୍ଭ କରିବାକୁ ଯାଉଛି ।
ରିପୋର୍ଟରେ ଏହା ମଧ୍ୟ କୁହାଯାଇଛି ଯେ, ନୂଆ ଆପ ଏକ ଅଥଣ୍ଟିକେଟେଡ୍ ଟ୍ରାନ୍ସଫର ପ୍ରୋଟୋକଲ (ଏଟି ପ୍ରୋଟୋକଲ)ର ଉପଯୋଗ କରିବ । ଯାହା ଏକ ସିଙ୍ଗଲ ସାଇଟ୍ ପରିବର୍ତ୍ତେ ଅନେକ ସାଇଟ୍ ଦ୍ୱାରା ବ୍ୟବହାର କରାଯାଇ ପାରୁଥିବା ଏକ ଫେଡରେଟେଡ ସୋସିଆଲ ମିଡିଆ ନେଟୱର୍କ ଅଟେ ।
