ଭୁବନେଶ୍ୱରର ଆଉ ୪ଟି ଫୁଟ୍ ଓଭର ବ୍ରିଜ୍ ନିର୍ମାଣ କରାଯିବ, ଟ୍ୱିଟ୍ କରି ସୂଚନା ଦେଲେ ସାଂସଦ ଅପରାଜିତା ଷଡ଼ଙ୍ଗୀ
ଭୁବନେଶ୍ୱର: ବଢ଼ୁଥିବା ଜନସଂଖ୍ୟା ଓ ଗାଡ଼ିକୁ ଦେଖି ଜାତୀୟ ରାଜପଥ ପ୍ରଶସ୍ତ କାର୍ଯ୍ୟ ଚାଲିଛି । ଜାତୀୟ ରାଜପଥ ୧୬ରେ ବିଭିନ୍ନ ସ୍ଥାନରେ ଓଭର ବ୍ରିଜ୍ ନିର୍ମାଣ କରାଯିବା ସହ ଜାତୀୟ ରାଜପଥକୁ ୬ ଲେନ୍ କରିବା କାର୍ଯ୍ୟ ଜାରି ରହିଛି । ରାଜଧାନୀରେ ଆଉ ୪ଟି ଫୁଟ୍ ଓଭର ବ୍ରିଜ୍ ନିର୍ମାଣ କରାଯିବ ବୋଲି ଜଣାପଡ଼ିଛି । ଏନେଇ ଟ୍ୱିଟ୍ କରି ସୂଚନା ଦେଇଛନ୍ତି ଭୁବନେଶ୍ୱର ସାଂସଦ ଅପରାଜିତା ଷଡ଼ଙ୍ଗୀ ।
ଭୁବନେଶ୍ୱରର କଳିଙ୍ଗ ବିହାର ଛକ, କ୍ରାଉନ୍ ହୋଟେଲ୍ ସାମ୍ନା, ସତସଙ୍ଗ ବିହାର ସାମ୍ନା ଏବଂ ପଳାଶୁଣିରେ ଫୁଟ୍ ଓଭର ବ୍ରିଜ୍ ନିର୍ମାଣ କରିବ ଏନ୍ଏଚ୍ଆଇ । ଏହା ଛଡ଼ା ଜଟଣୀର ଓଗାଳପଡ଼ା ଛକରେ ମଧ୍ୟ ଫୁଟ୍ ଓଭର ବ୍ରିଜ୍ ନିର୍ମାଣ ହେବ ।
Had received requests from residents of my Constituency for Projects on National Highway.
Glad to inform:Projects worth Rs 7028 crore are at various stages of execution.Will personally monitor.
This is highly satisfying.
Grateful to PM @narendramodi & Minister @nitin_gadkari. pic.twitter.com/z6qrFGQB8P
— Aparajita Sarangi, Member of Parliament (@AprajitaSarangi) November 30, 2022
ରାଜଧାନୀରେ ନିର୍ମାଣ ହେବାକୁ ଥିବା ଫୁଟ୍ ଓଭର ବ୍ରିଜ୍ ଲାଗି ହାରାହାରି ୨.୬୫ କୋଟି ଟଙ୍କା ବ୍ୟୟ ଅଟକଳ ରହିଥିବା ବେଳେ ଓଗାଳପଡ଼ାରେ ଫୁଟ୍ ଓଭର ବ୍ରିଜ୍ ଲାଗି ବ୍ୟୟ ଅଟକଳ ୧.୨୫ କୋଟି ରହିଛି । ଏହାଛଡ଼ା ଖୋର୍ଦ୍ଧାର ଟାଙ୍ଗିରୁ ଭୁବନେଶ୍ୱର ଯାଏ ଜାତୀୟ ରାଜପଥ ୧୬କୁ ୬ ଲେନ୍ କରିବା ଲାଗି ୧, ୦୪୮.୬୫ କୋଟି ଟଙ୍କା ଖର୍ଚ୍ଚ କରାଯାଉଛି ।
