ଗୁଜରାଟରେ ବଡ଼ ବିଜୟ ପରେ ପ୍ରଧାନମନ୍ତ୍ରୀ କହିଲେ ‘ଲୋକେ ଏଥର ନୂଆ ଇତିହାସ ସୃଷ୍ଟି କରିଛନ୍ତି’

ନୂଆଦିଲ୍ଲୀ: ଗୁଜରାଟରେ ବଡ଼ ବିଜୟ ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦିଲ୍ଲୀ ବିଜେପି ମୁଖ୍ୟାଳୟରେ ଦଳୀୟ କାର୍ଯ୍ୟକର୍ତ୍ତାଙ୍କୁ ସମ୍ବୋଧନ କରି କହିଛନ୍ତି ଯେ ଜନତାଙ୍କ ନିକଟରେ ନତମସ୍ତକ। ଜନାଦେଶ ଅଭିଭୂତ କରିଛି। ଗୁଜରାଟରେ ଏଥର ଚମତ୍କାର ହୋଇଛି। ମୋ ରେକର୍ଡ ଭାଙ୍ଗିବାକୁ ଜନତାଙ୍କୁ ଅନୁରୋଧ କରିଥିଲି। ଗୁଜରାଟର ଲୋକେ ଏଥର ନୂଆ ଇତିହାସ ସୃଷ୍ଟି କରିଛନ୍ତି। ବିଜେପି ପ୍ରତି ବଢୁଥିବା ଜନସମର୍ଥନ ପରିବାରବାଦ ବିରୋଧରେ ଆକ୍ରୋସ ସୃଷ୍ଟି କରିଛି। ଦେଶ ହିତରେ ଆମେ ବଡ଼ରୁ ବଡ଼ ନିଷ୍ପତ୍ତି ନେଇଛୁ। ଆମ କାମକୁ ନେଇ ଯୁବବର୍ଗ ଆମ ଉପରେ ଭରସା କରିଛନ୍ତି। ଯୁବବର୍ଗ ବିଜେପିର ବିକାଶ ରାଜନୀତିକୁ ପସନ୍ଦ କରିଛନ୍ତି। ବିଜେପିର ମିଶନ ଅଛି, ବିକାଶକୁ ନେଇ ପ୍ରତିବଦ୍ଧତା ବି ରହିଛି। ଦେଶର ନାଗରିକ ଆଉ ସର୍ଟସର୍କିଟ ଚାହଁୁ ନାହାନ୍ତି। ସର୍ଟକଟ ରାଜନୀତିର ରାଜନୀତି ଭୋଟର ଜାଣିଛନ୍ତି ବୋଲି ପ୍ରଧାନମନ୍ତ୍ରୀ କହିଛନ୍ତି।