ବୁର୍ଖା ପିନ୍ଧି ନାଚିଲେ ଇଞ୍ଜିନିୟରିଂ କଲେଜ ଛାତ୍ର, ୪ ଛାତ୍ରଙ୍କୁ କଲେଜରୁ ନିଲମ୍ବନ କରିବା ସହ ତଦନ୍ତ ନିର୍ଦ୍ଦେଶ ଦେଲେ କଲେଜ କର୍ତ୍ତୃପକ୍ଷ
ବେଙ୍ଗାଲୁରୁ: ଇଞ୍ଜିନିୟରିଂ କଲେଜ ଛାତ୍ର ନାଚିଲେ । ବୁର୍ଖା ପିନ୍ଧି ନାଚିଲେ । ଶେଷରେ ଏହି ନାଚ ମହଙ୍ଗା ପଡ଼ିଛି ଏହି ଛାତ୍ରଙ୍କ ପାଇଁ । ଏହି ୪ ଛାତ୍ରଙ୍କୁ କଲେଜରୁ ନିଲମ୍ବନ କରାଯାଇଛି । ଘଟଣା ଘଟିଛି ଗତ ବୁଧବାର ଦିନ କର୍ଣ୍ଣାଟକ ମାଙ୍ଗାଲୁରୁର ଏକ ଇଞ୍ଜିନିୟରିଂ କଲେଜରେ ।
କଲେଜ ଛାତ୍ର ସଂଗଠନ ପକ୍ଷରୁ ଏହି କାର୍ଯ୍ୟକ୍ରମର ଆୟୋଜନ କରାଯାଇଥିଲା । କଲେଜର କାର୍ଯ୍ୟକ୍ରମରେ ୪ ଜଣ ଛାତ୍ର ବୁର୍ଖା ପିନ୍ଧି ‘ବଲିଉଡ ଗୀତ’ ଫେବିକଲ ସେ’ର ତାଳେ ତାଳେ ନାଚିଥିଲେ। ଉପସ୍ଥିତ ଛାତ୍ର ଓ ଦର୍ଶକ ସେମାନଙ୍କୁ ଉତ୍ସାହିତ କରିଥିଲେ । ଏହାର ଭିଡିଓ ଭାଇରାଲ ହୋଇଥିଲା। ଏହି ଭିଡିଓକୁ ସାଧାରଣରେ ତୀବ୍ର ନିନ୍ଦା କରାଯାଇଛି । ଅନ୍ୟପକ୍ଷେ କଲେଜ କର୍ତ୍ତୃପକ୍ଷ କହିଛନ୍ତି, ଅନୁମୋଦିତ ତାଲିକାରେ ଏହି କାର୍ଯ୍ୟକ୍ରମ ନ ଥିଲା ।
ତେବେ ଭିଡିଓ ଭାଇରାଲ ହେବା ପରେ କଲେଜର ପ୍ରିନ୍ସପାଲ କଠୋର ପଦକ୍ଷେପ ନେଇଛନ୍ତି । ଛାତ୍ରମାନଙ୍କୁ ନିଲମ୍ବନ କରାଯିବା ସହ ତଦନ୍ତ ନିର୍ଦ୍ଦେଶ ଦେଇଛନ୍ତି କଲେଜ ଅଧ୍ୟକ୍ଷ । କଲେଜ ପକ୍ଷରୁ ମିଳିଥିବା ତଥ୍ୟ ଅନୁଯାୟୀ, ମୁସଲିମ ଛାତ୍ରମାନେ ବୁର୍ଖା ପିନ୍ଧି ନାଚିଥିଲେ। କଲେଜ ପକ୍ଷରୁ ଔପଚାରିକ ଭାବେ ଏହି କାର୍ଯ୍ୟକ୍ରମର ଆୟୋଜନ କରାଯାଇ ଥିଲା ।
