ତିନି ଜଣ ଛାତ୍ରୀଙ୍କ ସହିତ ହେଲିକପ୍ଟର ଯାତ୍ରା କଲେ ରାହୁଲ ଗାନ୍ଧୀ
ମଧ୍ୟପ୍ରଦେଶ: କଥା ଦେଇ କଥା ରଖିଲେ କଂଗ୍ରେସର ପୂର୍ବତନ ସଭାପତି ରାହୁଲ ଗାନ୍ଧୀ। ବର୍ତ୍ତମାନ ରାହୁଲ ଗାନ୍ଧୀ କଂଗ୍ରେସର ଭାରତ ଯୋଡ ଯାତ୍ରାରେ ବ୍ୟସ୍ତ ରହିଛନ୍ତି। ତେବେ ଗତ ନଭେମ୍ବର ୨୯ ରେ ଭାରତ ଯୋଡା ଯାତ୍ରାରେ ରାହୁଲ ଉଜ୍ଜୟିନୀରେ ପହଞ୍ଚିଥିଲେ। ଏଠାରେ ସେ କିଛି ଛାତ୍ରୀଙ୍କୁ ଭେଟିଥିଲେ। ଏହି ସମୟରେ ସେମାନଙ୍କ ମଧ୍ୟରେ ଶୀତଲ, ଅନ୍ତିମା ଏବଂ ଗିରିଜା ମଧ୍ୟ ଥିଲେ। ଏହି ସମୟରେ ରାହୁଲ ସେମାନଙ୍କର ସ୍ୱପ୍ନ ବିଷୟରେ କଥା ହୋଇଥିଲେ। ତା’ପରେ ଏହି ତିନି ଝିଅ କହିଥିଲେ ଯେ, ସେମାନେ ବିମାନରେ ଯାତ୍ରା କରିବାକୁ ଇଚ୍ଛା ରହିଛି।
ତେବେ ରାହୁଲ ଗାନ୍ଧୀ ତାଙ୍କୁ ପ୍ରତିଶୃତି ଦେଇଥିଲେ ଯେ, ସେ ଶୀଘ୍ର ତାଙ୍କ ସ୍ୱପ୍ନକୁ ପୂରଣ କରିବେ। ଡିସେମ୍ବର ୮ ଗୁରୁବାର ଦିନ ରାହୁଲ ଗାନ୍ଧୀଙ୍କ ଭାରତ ଯୋଡା ଯାତ୍ରା ରାଜସ୍ଥାନର ବୁଣ୍ଡି ଜିଲ୍ଲାରେ ପହଞ୍ଚିଥିଲେ। ରାହୁଲ ସିଧାସଳଖ ବୁଣ୍ଡିର ଗୁଡଲିରେ ନିର୍ମିତ ହେଲିପ୍ୟାଡରେ ପହଞ୍ଚିଥିଲେ। ଏହାପର କଥା ଶୁଣି ଆପଣ ବୋଧହୁଏ ଆଶ୍ଚର୍ଯ୍ୟ ହୋଇପାରନ୍ତି। ସେଠାରେ ଉଜ୍ଜୟିନୀର ଶୀତଲ, ଅନ୍ତିମା ଏବଂ ଗିରିଜାଙ୍କ ହେଲିକପ୍ଟର ବସିବାର ସ୍ୱପ୍ନ ପୁରାଣ କରିଥିଲେ ରାହୁଲ ଗାନ୍ଧୀ। ଅର୍ଥାତ ରାହୁଲ ୧୦ ଦିନ ମଧ୍ୟରେ ଦେଇଥିବା ପ୍ରତିଶ୍ରୁତି ପୂରଣ କରିଥିଲେ।
ରାହୁଲ ତିନି ଜଣଙ୍କ ସହିତ ୨୦ ମିନିଟର ହେଲିକପ୍ଟର ଯାତ୍ରା କରିଥିଲେ। ଏହାପରେ ତିନି ଛାତ୍ର ହେଲିକପ୍ଟରରୁ ଓହ୍ଲାଇବା ପରେ ରାହୁଲ ସେମାନଙ୍କୁ ଚକୋଲେଟ୍ ଦେଇଥିଲେ। ଏହା ସହିତ ରାହୁଲ ଏବଂ ହେଲିକପ୍ଟର ପାଇଲଟ୍ ମଧ୍ୟ ୧୦ ମିନିଟ୍ ପାଇଁ ବାଳିକା ଛାତ୍ରମାନଙ୍କୁ ହେଲିକପ୍ଟର ସମ୍ବନ୍ଧୀୟ ବୈଷୟିକ ସୂଚନା ଦେଇଥିଲେ। କୁହାଯାଏ ଯେ ଏହା ପରେ ରାହୁଲ ଗାନ୍ଧୀ ସୋନିଆ ଗାନ୍ଧୀଙ୍କୁ ସିଧାସଳଖ ଭେଟିବା ପାଇଁ ସାୱାଇ ମାଧୋପୁର ଯାଇଥିଲେ।
