ମାଇକ୍ରୋ ବ୍ଲଗିଂ ସାଇଟ୍ ଟ୍ୱିଟର ଅଚଳ

ନୂଆଦିଲ୍ଲୀ: ମସ୍କଙ୍କ ମାଇକ୍ରୋ ବ୍ଲଗିଂ ସାଇଟ୍ ଟ୍ୱିଟର ଅଚଳ । ଡିଲିଟ୍ ହୋଇ ଯାଇଛି ସବୁ ଆକାଉଣ୍ଟ । ଖୋଲୁନି ଟ୍ୱିଟର ପେଜ୍ । ଏଲନ୍ ମସ୍କ ଟ୍ୱିଟର କିଣିବା ପରେ ପୁଣି ଦ୍ୱିତୀୟ ଥର ପାଇଁ ଟ୍ୱିଟରରେ ବଡ଼ ଗଡ଼ବଡ଼ ଦେଖିବାକୁ ମିଳିଛି । ରବିବାର ସନ୍ଧ୍ୟା ୬ଟା ୩୦ ପର ଠାରୁ ଆଉ ଟ୍ୱିଟର ଆକାଉଣ୍ଟ ମୋବାଇଲ୍ ଆପ୍ କିମ୍ବା ସିଷ୍ଟମରେ ଖୋଲୁ ନାହିଁ ।

ମୋବାଇଲ୍ ଆପରେ ଟ୍ୱିଟର ଆକାଉଣ୍ଟକୁ କ୍ଲିକ୍ କଲେ ଆକାଉଣ୍ଟ ଡିଲିଟ୍ ହୋଇ ଯାଉଥିବା ଲେଖା ଆସୁଛି । ଏପରିକି ବ୍ଲୁ ଟିକ୍ ଧାରୀ ଆକାଉଣ୍ଟ ମଧ୍ୟ ସର୍ଚ୍ଚ କଲେ ଆସୁ ନାହିଁ । ତେବେ ହଠାତ୍ କାହିଁକି ଟ୍ୱିଟରରୁ ସବୁ ଆକାଉଣ୍ଟ ଉଡ଼ିଗଲା ସେ ନେଇ କିଛି ଜଣାପଡ଼ି ନାହିଁ ।