ଭିଡିଓ ଅପଲୋଡ୍ ଟେକନିକରେ ପରିବର୍ତ୍ତନ କରିଲା ୟୁଟ୍ୟୁବ୍
ପ୍ଲାଟଫର୍ମରେ ଭିଡିଓ ଅପଲୋଡ୍ କରିବାର ଟେକନିକରେ ଏକ ନୂଆ ପରିବର୍ତ୍ତନ କରିଛି ୟୁଟ୍ୟୁବ୍ । ଏହି ପରିବର୍ତ୍ତନ ଖାସ୍ କରି ସେହି ୟୁଜର୍ସଙ୍କ ପାଇଁ ହୋଇଛି, ଯେଉଁମାନେ ନିୟମିତ ଭାବେ ଭିଡିଓ ସେୟାର କରୁଛନ୍ତି । ୟୁଟ୍ୟୁବ୍ ଏକ ନୂଆ ସୁବିଧା ଆରମ୍ଭ କରିଛି, ଯାହା ପ୍ଲାଟଫର୍ମରେ ଏକ ଭିଡିଓ ଅପଲୋଡ୍ କରିବାକୁ କେତେ ସମୟ ଲାଗେ ତାହା ୟୁଜର୍ସଙ୍କୁ ଦେଖାଇବ । ଏବେ ଭିଡିଓ କ୍ୱାଲିଟି ୩ଟି ସ୍ତର ବା ଏସଡି, ଏଚଡି ଓ ୪କେ’ରେ ଏହି ପ୍ରକ୍ରିୟାରେ ବିଷୟରେ ଆପଣ ସୂଚନା ପାଇପାରିବେ ।
ଟ୍ୱିଟରରେ ପୋଷ୍ଟ କରି ୟୁଟ୍ୟୁବ୍ କହିଛି ଯେ, ଆଜିଠାରୁ ସମୟ ଅନୁସାରେ ବିଭିନ୍ନ ଭିଡିଓ ଗୁଣବତ୍ତା ସ୍ତରରେ (ଏସଡି,ଏଚଡି, ଏବଂ ୪କେ) ଆପଣଙ୍କ ଅପଲୋଡ୍ ପ୍ରକ୍ରିୟାକରଣ ପାଇଁ କେତେ ସମୟ ଲାଗିବ ତାହାର ଏକ ସମୟ ଆକଳନ ଦେଖିବେ । ଯାହାଦ୍ୱାରା ଆପଣ ପବ୍ଲିଶକୁ ହିଟ୍ କରିବା ପାଇଁ ସଠିକ୍ ସମୟ ସ୍ଥିର କରିପାରିବେ!
more info, less guessing
starting today, you’ll see time estimates for how long it’ll take to finish processing your uploads across different video quality levels (SD, HD, & 4k), so you can decide the right time to hit publish!
more here: https://t.co/XyfjKzjqSu pic.twitter.com/YFq4jzLNTO
— TeamYouTube (@TeamYouTube) December 13, 2022
ଏହା ପୂର୍ବରୁ ୟୁଟ୍ୟୁବ୍ ଦୁଇଟି ଅଲଗା ଅଲଗା ୱେଟିଂ ସମୟ ଦେଖାଉଥିଲା । ପ୍ରଥମେ ୟୁଟ୍ୟୁବ୍ କମ୍ପ୍ୟୁଟରରୁ ଆକାଉଣ୍ଟରେ ଫାଇଲ୍ ଅପଲୋଡ୍ ହେବା ପାଇଁ ଆବଶ୍ୟକ କରୁଥିବା ସମୟ ଦେଖାଉଥିଲା । ଦ୍ୱିତୀୟରେ ୟୁଟ୍ୟୁବକୁ ଫାଇଲ ସମ୍ପୂର୍ଣ୍ଣ କ୍ୱାଲିଟିରେ ପ୍ରୋସେସ କରିବା ପାଇଁ ଆବଶ୍ୟକ ସମୟ ଦେଖାଉଥିଲା ।
