ଏନଡିଟିଭିରୁ ନିଜର ସେୟାର ଗୌତମ ଆଦାନୀଙ୍କୁ ବିକ୍ରି କରିବେ ପ୍ରତିଷ୍ଠାତା ପ୍ରଣୟ ରୟ ଏବଂ ରାଧିକା ରୟ
ନୂଆଦିଲ୍ଲୀ: ନୂଆଦିଲ୍ଲୀ ଟେଲିଭିଜନ ଲିମିଟେଡ୍ ବା ଏନଡିଟିଭି ପ୍ରତିଷ୍ଠାତା ପ୍ରଣୟ ରୟ ଏବଂ ରାଧିକା ରୟ ଡିସେମ୍ବର ୨୩ରେ ଏକ ପ୍ରେସ ବିବୃତ୍ତି ଜାରି କରି କହିଛନ୍ତି ଯେ ସେମାନେ କମ୍ପାନୀରେ ଥିବା ଅଧିକାଂଶ ଅଂଶକୁ ବିଜନେସ ଟାଇକୁନ ଗୌତମ ଆଦାନୀଙ୍କୁ ବିକ୍ରି କରିଦେବେ । ଏହି ଅଂଶ ଏନଡିଟିଭି ଗ୍ରୁପ୍ର ପ୍ରାୟ ୬୫% ନ୍ୟୁଜ୍ ନେଟୱର୍କର ନିୟନ୍ତ୍ରଣରେ ଥାଏ। ଯାହା ଏବେ ଗୌତମ ଆଦାନୀଙ୍କ ନିୟନ୍ତ୍ରଣକୁ ଆସିବ ।
ରାଧିକା ଏବଂ ପ୍ରଣୟ ରୟ ଆଦାନୀଙ୍କୁ NDTVର ୨୭.୨୬% ଅଂଶଧନ ବିକ୍ରି କରିବେ । ଏଥି ସହିତ, ୬୪.୭୧% ରୁ ଅଧିକ ଏନଡିଟିଭି ଆଦାନୀ ଗୋଷ୍ଠୀକୁ ଦିଆଯିବ । ଖୋଲା ଅଫର ଏବଂ ପ୍ରତିଷ୍ଠାତାମାନଙ୍କ ମାଲିକାନାରେ ଥିବା କମ୍ପାନୀର ପ୍ରଥମ ଅଧିଗ୍ରହଣ ପରେ ଆଦାନୀ ଏନଡିଟିଭିରେ ୩୭ ପ୍ରତିଶତରୁ ଅଧିକ ଅଂଶଧନ କଣି ସାରିଛନ୍ତି। ତେବେ ରାଧିକା ଏବଂ ପ୍ରଣୟ ରୟ ଏନଡିଟିଭିରେ ମିଳିତ ପାଞ୍ଚ ପ୍ରତିଶତ ଅଂଶଧନ ବଜାୟ ରଖିବେ। ସମ୍ପ୍ରତି ଖୋଲା ଅଫର ପରେ ଏମଜି ମିଡିଆ ନେଟୱର୍କ ବର୍ତ୍ତମାନ NDTV ର ସବୁଠାରୁ ବଡ ଅଂଶୀଦାର ହୋଇଛି ବୋଲି ରୟ ଦମ୍ପତ୍ତି କହିଛନ୍ତି।
ଫଳସ୍ୱରୂପ, ପାରସ୍ପରିକ ଚୁକ୍ତିନାମା ଅନୁଯାୟୀ ସେମାନେ ସେମାନଙ୍କର ଅଧିକାଂଶ ଅଂଶ ଏନଡିଟିଭିରୁ ଏମଜି ମିଡିଆ ନେଟୱର୍କକୁ ବିକ୍ରି କରିବାକୁ ନିଷ୍ପତ୍ତି ନେଇଛନ୍ତି। ଖୋଲା ଅଫର ଆରମ୍ଭ ହେବା ପରେ ଗୌତମ ଆଦାନୀଙ୍କ ସହ ତାଙ୍କର ସକରାତ୍ମକ ଆଲୋଚନା ହୋଇଛି। ସେ କହିଛନ୍ତି ଯେ ସେ ଦେଇଥିବା ସମସ୍ତ ପରାମର୍ଶକୁ ସକରାତ୍ମକ ଏବଂ ଖୋଲାଖୋଲି ଭାବେ ଆଦାନୀ ଗ୍ରହଣ କରିଛନ୍ତି।
ପ୍ରଣୟ ରୟ କହିଛନ୍ତି ଯେ ଆମେ ୧୯୮୮ରେ ଏନଡିଟିଭି ଆରମ୍ଭ କରିଥିଲୁ। ଯେଉଁ ଉଦ୍ଦେଶ୍ୟ ନେଇ ଏହା ଆରମ୍ଭ ହୋଇଥିଲା ତାହା ସଫଳ ହୋଇଛି । ଆମେ ଗର୍ବିତ ଯେ ଏନଡିଟିଭି ଭାରତ ଏବଂ ଏସିଆ ସମେତ ବିଶ୍ୱର ସବୁଠାରୁ ବିଶ୍ୱସ୍ତ ନ୍ୟୁଜ ଚ୍ୟାନେଲ ଭାବରେ ମାନ୍ୟତା ପାଇଛି।
