ମଧ୍ୟପ୍ରଦେଶର ମୋରେନା ନିକଟରେ ପରସ୍ପର ସହ ମୁହାଁମୁହିଁ ଧକ୍କା ହୋଇ ଜଳିଗଲା ୨ ବାୟୁସେନା ଏୟାରକ୍ରାଫ୍ଟ
ଭୋପାଳ: ପରସ୍ପର ସହ ଧକ୍କା ହେଲେ ଦୁଇ ବାୟୁସେନା ବିମାନ। ଶନିବାର ମଧ୍ୟପ୍ରଦେଶର ମୋରେନା ନିକଟରେ ସୁଖୋଇ-୩୦ ଏବଂ ମିରାଜ ୨୦୦୦ ଏୟାରକ୍ରାଫ୍ଟ ପରସ୍ପର ସହ ମୁହାଁମୁହିଁ ଧକ୍କା ହୋଇଛନ୍ତି। ଦୁଇ ଏୟାରକ୍ରାଫ୍ଟ ଧକ୍କା ହେବା ପରେ ତୁରନ୍ତ ଘଟଣା ସ୍ଥଳରେ ଉଦ୍ଧାର କାର୍ଯ୍ୟ ଆରମ୍ଭ କରାଯାଇଛି। ତେବେ ଦୁଇଟି ବିମାନ କିଭଳି କେଉଁ ପରିସ୍ଥିତିରେ ଧକ୍କା ହେଲା ସେ ନେଇ ତଦନ୍ତ ହେବ। ଏଥିପାଇଁ ଭାରତୀୟ ବାୟୁସେନା ପକ୍ଷରୁ ତଦନ୍ତ ନିର୍ଦ୍ଦେଶ ଦିଆଯାଇଛି।
#WATCH | Wreckage seen. A Sukhoi-30 and Mirage 2000 aircraft crashed near Morena, Madhya Pradesh. Search and rescue operations launched. The two aircraft had taken off from the Gwalior air base where an exercise was going on. pic.twitter.com/xqCJ2autOe
— ANI (@ANI) January 28, 2023
ମିଳିଥିବା ସୂଚନା ଅନୁସାରେ ମଧ୍ୟପ୍ରଦେଶର ଗୁଆଲିୟର ଏୟାର ବେସ୍ରେ ଅଭ୍ୟାସ ଜାରି ରହିଛି। ଏହି ସମୟରେ ଦୁଇଟି ବିମାନ ଦୁର୍ଘଟଣା ହୋଇଛି। ବିମାନରେ କୌଣସି ତ୍ରୁଟି ଯୋଗୁ ଏଭଳି ହୋଇଛି କି ଚାଳକଙ୍କ ତ୍ରୁଟି ଯୋଗୁ ଏପରି ହୋଇଥିଲା ସେ ନେଇ ଏପର୍ଯ୍ୟନ୍ତ ସ୍ପଷ୍ଟ ହୋଇପାରି ନାହିଁ। ତେବେ ଏଥିରେ କାହାର ମୃତ୍ୟୁ ହୋଇନାହିଁ ବୋଲି ସୂଚନା ମିଳିଛି।
ମୋରେନା ଜିଲ୍ଲାପଳଙ୍କ ସୂଚନା ଅନୁସାର, ସକାଳ ସାଢ଼େ ୫ଟା ସମୟରେ ଦୁଇ ବିମାନ ଦୁର୍ଘଟଣାଗ୍ରସ୍ତ ହୋଇଥିଲା। ତେବେ ପାଇଲଟ ଏସ୍ୟୁ-୩୦ରୁ ସୁରକ୍ଷତି ଭାବେ ବାହାରି ଆସିଥିବା ବେଳେ ସାମାନ୍ୟ ଆହତ ହୋଇଛନ୍ତି। ତାଙ୍କର ଚିକିତ୍ସା କରାଯାଇଛି ବୋଲି ମୋରେନା ଜିଲ୍ଲାପାଳ ସୂଚନା ଦେଇଛନ୍ତି। ଘଟଣାର ତଦନ୍ତ ନିର୍ଦ୍ଦେଶ ଦିଆଯାଇଛି।
