ମହିଳା ଟି-୨୦ ବିଶ୍ୱକପ: ପ୍ରଥମ ମ୍ୟାଚରେ ଜିତିଲା ଭାରତ, ପାକିସ୍ତାନ ହତାଶ

୧୫୦ ରନର ବିଜୟ ଲକ୍ଷ୍ୟ ନେଇ ପଡ଼ିଆକୁ ଓହ୍ଲାଇଥିଲା ଭାରତୀୟ ମହିଳା ଟିମ୍ । ତେବେ ଦଳ ଗୋଟିଏ ଓଭର ବାକି ଥାଇ ମାତ୍ର ୩ଟି ୱିକେଟ ହରାଇ ୧୫୧ ରନ୍ ସଂଗ୍ରହ କରିନେଇଥିଲା । ଦଳ ପକ୍ଷରୁ ଜେମିମାହ ରୋଡ୍ରିଗୁଜ ସର୍ବାଧିକ ୫୩ ରନ ଓ ୱିକେଟ କିପରି ରିଚା ଘୋଷ ୩୧ ରନ୍ କରି ଶେଷ ପର୍ଯ୍ୟନ୍ତ ଅପରାଜିତ ରହିଥିଲେ । ପାକିସ୍ତାନ ପକ୍ଷରୁ ନୁଶ୍ରା ସାନ୍ଧୁ ୨ଟି ଓ ସାଦିଆ ଏକବାଲ ଗୋଟିଏ ୱିକେଟ ଅକ୍ତିଆର କରିଥିଲେ । ଆସନ୍ତା ୧୫ ତାରିଖରେ ଭାରତ ତା’ର ଦ୍ୱିତୀୟ ମ୍ୟାଚରେ ୱେଷ୍ଟଇଣ୍ଡିଜକୁ ଭେଟିବ । ଏହାପରେ ୧୮ରେ ଇଂଲଣ୍ଡ ଓ ୨୦ରେ ଆୟର୍ଲାଣ୍ଡକୁ ଭେଟିବ ।