ସିରିଆରେ ମିସାଇଲ୍ ଆକ୍ରମଣ କଲା ଇସ୍ରାଏଲ୍: ୧୫ ଜଣ ମୃତ, ଏକାଧିକ ଆହତ
ନୂଆଦିଲ୍ଲୀ: ଭୂମିକମ୍ପ ପୀଡ଼ିତ ସିରିଆରେ ଇସ୍ରାଏଲ୍ର ମିସାଇଲ ମାଡ଼। ରବିବାର ସକାଳେ ଇସ୍ରାଏଲ୍ ସିରିଆର ରାଜଧାନୀ ଦମିସ୍କରେ ମିସାଇଲ ମାଡ଼ କରିଛି। ଲୋକେ ରହୁଥିବା ଏକ ବିଲ୍ଡିଂରେ ଆକ୍ରମଣ କରିଛି ଇସ୍ରାଏଲ୍। ଏଥିରେ ୧୫ ଜଣ ସାଧାରଣ ନାଗରିକଙ୍କର ମୃତ୍ୟୁ ହୋଇଥିବା ବେଳେ ଅନେକ ଆହତ ହୋଇଛନ୍ତି।
ସିରିଆ ଗଣମାଧ୍ୟମରେ ଏହି ରିପୋର୍ଟ ପ୍ରକାଶ ପାଇଛି। ଏକ ରେସିଡେନ୍ସିଆଲ ବିଲ୍ଡିଂ(ଲୋକେ ରହୁଥିବା ବିଲ୍ଡିଂ)ରେ ଆକ୍ରମଣ ହୋଇଥିବା ସିରିଆ ମିଡିଆରେ ଖବର ପ୍ରକାଶ ପାଇଛି।। ସେହିପରି ସିରିଆ ମାନବାଧିକାର ପର୍ଯ୍ୟବେକ୍ଷଣ ସଂସ୍ଥାରୁ ଖବର ନେଇ ନ୍ୟୁଜ ସଂସ୍ଥା ଏଏଫ୍ପି ମଧ୍ୟ ସମାନ ଖବର ଛାପିଛି। ସେହିପରି ରୟଟର୍ସର ରିପୋର୍ଟ ଅନୁସାରେ ଇରାନୀ ସୈନ୍ୟ ଠିକଣା ନିକଟରେ ଏହି ଆକ୍ରମଣ କରାଯାଇଛି।
