କଟକରେ ସନ୍ତାନ ପ୍ରାପ୍ତି ହେବ କହି ଠକୁଥିବା ଭଣ୍ଡ ବାବା ଗିରଫ

ବିଶ୍ୱାସ ଜନ୍ମାଇ ଥିଲେ ସଂଗ୍ରାମ ଓ ଶୁଭଶ୍ରୀଙ୍କ ଛୁଆ ହେବ । ଯେଉଁଥିପାଇଁ ସିଦ୍ଧେଶ୍ୱର ବର୍ଷକ ମଧ୍ୟରେ ଦମ୍ପତିଙ୍କ ଠାରୁ ୩ ଲକ୍ଷ ୮୦ ହଜାର ଟଙ୍କା ନେଇଥିଲେ । ଘରେ ପୂଜାର୍ଚ୍ଚନା ସହ ଆୟୁର୍ବେଦ ଔଷଧ ନାଁରେ ଏତେ ପରିମାଣର ଟଙ୍କା ଲୁଟି ନେଇଥିଲେ ଭଣ୍ଡବାବା । କିନ୍ତୁ ସେମିତି କିଛି ଘଟି ନଥିଲା । ବରଂ ଔଷଧ ଖାଇବା ପରେ ଅସୁସ୍ଥା ହୋଇ ପଡ଼ିଥିଲେ ଶୁଭଶ୍ରୀ । ଆଉ ଏନେଇ ଦମ୍ପତି ଅଭିଯୋଗ କରିବା ପରେ ସିଦ୍ଧେଶ୍ୱର ଏଡ଼େଇ ଯିବାକୁ ଚେଷ୍ଟା କରିଥିଲେ । ପରେ ଦମ୍ପତି ଜାଣିବାକୁ ପାଇଥିଲେ ସେ ଜଣେ ଠକ ବୋଲି । ତାଙ୍କ ଭଳି ଅନେକ ଠକେଇର ଶିକାର ହୋଇଥିବା ଜାଣିବା ପରେ ପୋଲିସରେ ଅଭିଯୋଗ କରିଥିଲେ ।