ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ଭେଟିଲେ ଜୟାପ୍ରଦା, ଉପ-ନିର୍ବାଚନରେ ପ୍ରାର୍ଥୀ ହେବାକୁ ନେଇ ଚର୍ଚ୍ଚା
ଲକ୍ଷ୍ନୌ: ଉତ୍ତରପ୍ରଦେଶରେ ଉପ-ନିର୍ବାଚନ ପୂର୍ବରୁ ବିଜେପି ନେତ୍ରୀ ଜୟାପ୍ରଦା ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ଭେଟିଛନ୍ତି। ଖୁବ ଶୀଘ୍ର ଉତ୍ତରପ୍ରଦେଶରେ ଦୁଇଟି ଆସନରେ ଉପ-ନିର୍ବାଚନ ଅନୁଷ୍ଠିତ ହେବ। ଭାରତୀୟ ଜନତା ପାର୍ଟି ଏବଂ ସମାଜବାଦୀ ପାର୍ଟିର ଅନେକ ପ୍ରାର୍ଥୀ ଏହି ଆସନରୁ ପ୍ରତିଦ୍ୱନ୍ଦ୍ୱିତା କରିବାକୁ ଲବି ଆରମ୍ଭ କରିଦେଲେଣି । ଏହି ସମୟରେ ପୂର୍ବତନ ଅଭିନେତ୍ରୀ ଜୟାପ୍ରଦା ଏବଂ ଯୋଗୀ ଆଦିତ୍ୟନାଥଙ୍କ ଭେଟଘାଟକୁ ନେଇ ଚର୍ଚ୍ଚା ବଢିଛି ।
ଏକ ଘଣ୍ଟା ଧରି ଉଭୟଙ୍କ ମଧ୍ୟରେ ଆଲୋଚନା ହୋଇଥିଲା। ଯଦିଓ ଜୟାପ୍ରଦା ଏହାକୁ ସୌଜନ୍ୟମୂଳକ ସାକ୍ଷାତକାର ବୋଲି କହିଛନ୍ତି, କିନ୍ତୁ ଚର୍ଚ୍ଚା ଚାଲିଛି ଯେ ଉପ-ନିର୍ବାଚନକୁ ନେଇ ଏହି ବୈଠକ ଅନୁଷ୍ଠିତ ହୋଇଛି ଏବଂ ସେ ଉପ-ନିର୍ବାଚନରେ ପ୍ରାର୍ଥୀ ହୋଇପାରନ୍ତି।
ଉଲ୍ଲେଖ ଥାଉ କି ଉତ୍ତରପ୍ରଦେଶର ଦୁଇଟି ବିଧାନସଭା ଆସନରେ ନିର୍ବାଚନ ଅନୁଷ୍ଠିତ ହେବ, ସେଥିମଧ୍ୟରୁ ଗୋଟିଏ ହେଉଛି ରାମପୁର ସ୍ବାର ବିଧାନସଭା ଆସନ | ଏସପି ନେତା ଆଜାମ ଖାନଙ୍କ ପୁଅ ଅବଦୁଲ୍ଲା ଆଜାମଙ୍କୁ ବିଧାୟକଭାବେ ଅଯୋଗ୍ୟ ଘୋଷଣା କରାଯିବା ପରେ ଏହି ଆସନ ଖାଲି ପଡିଥିଲା। ୧୫ ବର୍ଷ ପୁରୁଣା ମାମଲାରେ ତାଙ୍କୁ ଦୁଇ ବର୍ଷ ଦଣ୍ଡିତ କରାଯିବା ପରେ ଅବଦୁଲ୍ଲା ଆଜାମ ଅଯୋଗ୍ୟ ଘୋଷିତ ହୋଇଥିଲେ। ଏହା ବ୍ୟତୀତ ମିର୍ଜାପୁରର ଛାନବେ ବିଧାନସଭା ଆସନରେ ମଧ୍ୟ ଉପନିର୍ବାଚନ ଅନୁଷ୍ଠିତ ହେବ।
