ନାଗାଲାଣ୍ଡ ମୁଖ୍ୟମନ୍ତ୍ରୀ ହେଲେ ନିଫି ରିଓ, ମେଘାଳୟର ମୁଖ୍ୟମନ୍ତ୍ରୀ ହେଲେ କନରାଡ ସାଙ୍ଗମା

ନୂଆଦିଲ୍ଲୀ : ମଙ୍ଗଳବାର ଦିନ ମେଘାଳୟ ଏବଂ ନାଗାଲାଣ୍ଡରେ ନୂଆ ମୁଖ୍ୟମନ୍ତ୍ରୀଙ୍କ ଶପଥ ଗ୍ରହଣ ସମାରୋହ ଆୟୋଜିତ ହୋଇଯାଇଛି। ପ୍ରଥମେ ମେଘାଳୟାରେ ଶପଥପାଠ ଉତ୍ସବ ଶେଷ ହେବା ପରେ ନାଗାଲାଣ୍ଡରେ ଦିନ ପ୍ରାୟ ସାଢେ ୧ଟାରେ ଶପଥ ଗ୍ରହଣ ସମାରୋହ ଅନୁଷ୍ଠିତ ହୋଇଥିଲା । ପଞ୍ଚମ ଥର ପାଇଁ ନାଗାଲାଣ୍ଡର ମୁଖ୍ୟମନ୍ତ୍ରୀ ଭାବରେ ନିଫି ରିଓ ଆଜି ଶପଥ ଗ୍ରହଣ କରିଛନ୍ତି। ଏନଡିପିପି ମୁଖ୍ୟ ନିଫି ରିଓ ୧୨ ଜଣ ମନ୍ତ୍ରୀଙ୍କ ସହ ପଦ ଓ ଗୋପନୀୟତାର ଶପଥ ଗ୍ରହଣ କରିଥିଲେ। ଏହି ଅବସରରେ ମଞ୍ଚରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, କେନ୍ଦ୍ର ଗୃହମନ୍ତ୍ରୀ ଅମିତ ଶାହା, ବିଜେପି ରାଷ୍ଟ୍ରୀୟ ସଭାପତି ଜେପି ନାଡା, ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱ ସାରମା ଏବଂ ଅନ୍ୟ ନେତାମାନେ ଉପସ୍ଥିତ ଥିଲେ।

ସୂଚନାଯୋଗ୍ୟ, ମେଘାଳୟର ସିଏମ ଭାବେ କନରାଡ ସାଙ୍ଗମା ୧୧ ଜଣ ମନ୍ତ୍ରୀଙ୍କ ସହ ଶପଥ ଗ୍ରହଣ କରିଥିଲେ। ମେଘାଳୟରେ ଏନପିପି, ବିଜେପି, ୟୁଡିପି ଏବଂ ପିଡିଏଫର ଏକ ମିଳିତ ସରକାର ଗଠନ କରାଯାଇଛି। ମେଘାଳୟରେ ଶପଥ ଗ୍ରହଣ ସମାରୋହ ସକାଳ ୧୧.୩୦ ରୁ ଆରମ୍ଭ ହୋଇଥିଲା ।ଏହି ସମୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, କେନ୍ଦ୍ର ଗୃହମନ୍ତ୍ରୀ ଅମିତ ଶାହା, ବିଜେପି ରାଷ୍ଟ୍ରୀୟ ସଭାପତି ଜେପି ନାଡା ଏବଂ ଅନ୍ୟ ବରିଷ୍ଠ ନେତାମାନେ ମଞ୍ଚରେ ଉପସ୍ଥିତ ଥିଲେ।

ନିୟମ ଅନୁଯାୟୀ, ୬୦ ସଦସ୍ୟ ବିଶିଷ୍ଟ ବିଧାନସଭା ଥିବା ମେଘାଳୟରେ ମୁଖ୍ୟମନ୍ତ୍ରୀଙ୍କ ସମେତ ୧୨ ରୁ ଅଧିକ ମନ୍ତ୍ରୀ ରହିପାରିବେ ନାହିଁ। ଶାସକ ଏନଡିପିପି ଏହାର ସହଯୋଗୀ ଭାରତୀୟ ଜନତା ପାର୍ଟି ସହିତ ୩୭ ଟି ଆସନ ଜିତି କ୍ରମାଗତ ନାଗାଲାଣ୍ଡରେ କ୍ଷମତା ବଜାୟ ରଖିଛି। ଶୁକ୍ରବାର ଦିନ ସର୍ବସମ୍ମତି କ୍ରମେ ଏନଡିପିପି ବିଧାନସଭା ଦଳର ନେତା ଭାବରେ ନିର୍ବାଚିତ ହୋଇଥିବା ରିଓ ଶନିବାର ରାଜ୍ୟପାଳ ଲା ଗଣେସନଙ୍କ ଇସ୍ତଫା ପତ୍ର ଦାଖଲ କରିଛନ୍ତି।