ଆଜିଠୁ ମାଟ୍ରିକ ପରୀକ୍ଷା: ପରୀକ୍ଷା ସେଣ୍ଟର ଭିତରେ ବନ୍ଦ ରହିବ ଶିକ୍ଷକ ମାନଙ୍କ ଫୋନ
ଭୁବନେଶ୍ୱର: ଆଜିଠୁ ରାଜ୍ୟରେ ମାଟ୍ରିକ ପରୀକ୍ଷା ଆରମ୍ଭ। ପରୀକ୍ଷାକୁ ନେଇ ବ୍ୟପକ ବ୍ୟବସ୍ଥା କରାଯାଇଛି । ଆଜି ପ୍ରଥମ ଦିନରେ ମାତୃଭାଷା ସାହିତ୍ୟ ରପରୀକ୍ଷା ୮ଟାରୁ ଆରମ୍ଭ ହୋଇ ୧୦ ଟାରେ ସରିବ ।
ଏଥିପାଇଁ ପରୀକ୍ଷାର୍ଥୀ ମାନଙ୍କୁ ଏକ ଘଣ୍ଟା ପୂର୍ବରୁ ଆସିବାକୁ ସୂଚନା ଦିଆଯାଇଛି । କପି ରୋକିବା ପାଇଁ ସ୍ୱତନ୍ତ୍ର ସ୍ୱାର୍ଡ ଗଠନ କରାଯାଇଛି । ଏହା ସହିତ ଏହି ସ୍ପେଶାଲ ଟିମ ମଧ୍ୟ ବିଭିନ୍ନ ପରୀକ୍ଷା କେନ୍ଦ୍ରକୁ ସରପ୍ରାଇଜ ଭିଜିଟ କରିବେ ।
ପୋଲିସ ଏସ୍କର୍ଟରେ ପରୀକ୍ଷା କେନ୍ଦ୍ରକୁ ପ୍ରଶ୍ନ ପତ୍ର ଯିବ । ଯେଉଁ ଦିନ ପରୀକ୍ଷା ସେହି ଦିନ ସକାଳେ ପରୀକ୍ଷା କେନ୍ଦ୍ରକୁ ପ୍ରଶ୍ନ ପତ୍ର ପଠାଯିବ । ସକାଳ ୬ରୁ ୭ ଭିତରେ ପରୀକ୍ଷା କେନ୍ଦ୍ର ରେ ପ୍ରଶ୍ନ ପତ୍ର ପହଞ୍ଚିବ । ମୋଟ ୩୧୬ ଟି ନୋଡାଲ ସେଣ୍ଟରରେ ପ୍ରଶ୍ନପତ୍ର ପହଞ୍ଚି ସାରିଛି । ଶିକ୍ଷକ ମାନେ ତାଙ୍କ ଫୋନକୁ ସ୍ୱିଚ ଅଫ କରି ନିଦ୍ଦିଷ୍ଟ ସ୍ଥାନରେ ରଖିବେ । ଚଳିତ ଥର ମୋଟ ୫ଲକ୍ଷ୪୧ ହଜାର ପରୀକ୍ଷାର୍ଥୀ ମୋଟ ୩,୨୧୮ଟି କେନ୍ଦ୍ରରେ ପରୀକ୍ଷା ଦେବେ ।
