ଆଜି ରିଲିଜ ହେଲା ‘ଜ୍ୱିଗାଟୋ’ ଫିଲ୍ମ: ଭୁବନେଶ୍ୱରରେ ସୁଟିଂ ହୋଇଥିଲା
ଭୁବନେଶ୍ୱର: ରିଲିଜ ହେବାକୁ ଯାଉଛି ନନ୍ଦିତା ଦାସ ନିର୍ଦ୍ଦେଶିତ ଫିଲ୍ମ ଜ୍ୱିଗାଟୋ । ସାରା ଦେଶରେ ଆଜି ରିଲିଜ ହେଲା । ଫିଲ୍ମରେ ମୁଖ୍ୟ ଭୂମିକାରେ ଅଛନ୍ତି ଆକ୍ଟର-କମେଡିଆନ କପିଲ ଶର୍ମା ଏବଂ ଶହାନା ଗୋସ୍ୱାମୀ ।
ଝାରଖଣ୍ଡର ଏହି କାହାଣୀ ଭୁବନେଶ୍ୱରରେ ସୁଟିଂ କରାଯାଇଛି । ଫିଲ୍ମରେ କପିଲ ଶର୍ମା ଫୁଡ ଡେଲିଭରି ରାଇଡର ଭୂମିକା ନିଭାଇଛନ୍ତି । ପରିବାର ଚଳାଇବା ପାଇଁ ସେ ଜଣେ ଫ୍ଲୋର ମ୍ୟାନେଜରରୁ ସେ ପାଲଟି ଯାଇଛନ୍ତି ଡେଲିଭରି ବଏ । ଫୋନ ଆପରେ ସେ ନିଜ ବ୍ୟବସାୟ ଚଳାଉଛନ୍ତି । ଖାଲି ସେତିକି ନୁହେଁ ରେଟିଂ ପାଇଁ ଖୁବ ସଂଘର୍ଷ ମଧ୍ୟ କରୁଛନ୍ତି । ତାଙ୍କର ପତ୍ନୀ ମଧ୍ୟ ପରିବାର ଚଳାଇବା ପାଇଁ ସହାୟତାର ହାତ ବଢାଇଛନ୍ତି । ଘରେ ରହି ବିଭିନ୍ନ ସ୍ଥାନରେ କାମ କରୁଛନ୍ତି । ଏକ ସାଧାରଣ ପରିବାରର, ସାଧାରଣ ଲୋକଙ୍କ ନିତିଦିନିଆ ହସଖୁସିକୁ ନେଇ ଫିଲ୍ମଟି ତିଆରି ହୋଇଛି ।
ଫିଲ୍ମର ନିର୍ଦ୍ଦେଶିକା ନନ୍ଦିତା ଦାସ କହିଛନ୍ତି, ବେରୋଜଗାରୀକୁ ନେଇ ଦୁଇ ବନ୍ଧୁଙ୍କ କଥାବାର୍ତ୍ତାରୁ ଆରମ୍ଭ ହୋଇଥିବା ଫିଲ୍ମ ଜ୍ୱଗାଟୋ ପ୍ରଥମେ ଏକ ସର୍ଟ ଫିଲ୍ମର ପରିକଳ୍ପନା ନେଇ ଆରମ୍ଭ ହୋଇଥିଲା । ପରେ ଏହା ସମ୍ପୂର୍ଣ୍ଣ ଫିଚର ଫିଲ୍ମ କରିବା ପାଇଁ ସମୀର ନାଏର ପରାମର୍ଶ ଦେଇଥିଲେ । ହେଲେ ଏହା ପ୍ରଥମେ ଏକ ଚାଲେଞ୍ଜ ଥିଲା । ଯାହା ବି ହେଉ, ପରବର୍ତ୍ତୀ ସମୟରେ ସବୁକିଛି ଠିକଠାକ ହୋଇଯାଇଥିଲା ।
ଏହି ଫିଲ୍ମରେ କପିଲ ଶର୍ମା, ଶାହନା ଗୋସ୍ୱାମୀଙ୍କ ସହ ଓଡ଼ିଶାର କିଛି ଅଭିନେତାଙ୍କୁ ମଧ୍ୟ ଏଥିରେ ସାମିଲ କରାଯାଇଛି । କପିଲ ଶର୍ମା ମଧ୍ୟ ନିଜେ ଏହି ଫିଲ୍ମକୁ ନେଇ ବେଶ ଉତ୍ସାହିତ । ଜ୍ୱିଗାଟୋ ଟ୍ରେଲର ରିଲିଜ ହେବା ପରେ ତାଙ୍କ ପାଖରେ ଏବେ ଅନେକ ଅଫର ଥିବା ସେ କହିଛନ୍ତି । ଏଥିରେ ତାଙ୍କୁ ସିରିୟସ ରୋଲରେ ଅଭିନୟ୍ କରିବା ପାଇଁ ଅଫର ଆସିଥିଲା । ତେବେ ସେ କେବଳ ଟଙ୍କା ରୋଜଗାର କରିବା ପାଇଁ ନୁହେଁ ଲୋକଙ୍କ ହୃଦୟ ଜିତିବା ପାଇଁ ଫିଲ୍ମ କରିବି ବୋଲି କହିଥିଲେ ।
