ଏପ୍ରିଲରେ ୧୫ ଦିନ ବନ୍ଦ ରହିବ ବ୍ୟାଙ୍କ
ନୂଆଦିଲ୍ଲୀ : ନୂତନ ଆର୍ଥିକ ବର୍ଷ ଏପ୍ରିଲ ୧ରୁ ଆରମ୍ଭ ହେବାକୁ ଯାଉଛି । ଚଳିତ ଆର୍ଥିକ ବର୍ଷର ପ୍ରଥମ ମାସରେ ବ୍ୟାଙ୍କଗୁଡିକ ମୋଟ ୧୫ ଦିନ ବନ୍ଦ ରହିବ। ଏପ୍ରିଲ୍ ୨୦୨୩ ପାଇଁ ୧୫ ଦିନର ବ୍ୟାଙ୍କ ଛୁଟି ତାଲିକାରେ ସାପ୍ତାହିକ ଛୁଟି ମଧ୍ୟ ଅନ୍ତର୍ଭୁକ୍ତ ରହିଛି । ଆସନ୍ତୁ ଜାଣିବା କେଉଁ ରାଜ୍ୟରେ କେଉଁ ଦିନ ବ୍ୟାଙ୍କଗୁଡିକ ବନ୍ଦ ରହିବ ଯାହା ଦ୍ୱାରା ଆପଣ ବ୍ୟାଙ୍କିଙ୍ଗ୍ ସମ୍ବନ୍ଧୀୟ କାର୍ୟ୍ୟ ବିନା ଅସୁବିଧାରେ କରିପାରିବେ।
କେଉଁ ଦିନ ବ୍ୟାଙ୍କ ବନ୍ଦ ରହିବ : ଏପ୍ରିଲ ମାସରେ ବିଭିନ୍ନ ରାଜ୍ୟରେ ବ୍ୟାଙ୍କଗୁଡିକ ୧, ୩, ୪, ୫, ୭, ୧୪, ୧୫, ୧୮, ୨୧ ଏବଂ ୨୨ ରେ ବନ୍ଦ ରହିବ । ଏହା ବ୍ୟତୀତ, ୨, ୯, ୧୬, ୨୩ ଏବଂ ୩୦ ରବିବାର ଏବଂ ଏହି ଦିନଗୁଡିକ ସାପ୍ତାହିକ ଛୁଟି । ସେହିପରି ଦ୍ୱିତୀୟ ଏବଂ ଚତୁର୍ଥ ଶନିବାର ୮ ଏବଂ ୨୨ ଏପ୍ରିଲରେ ଅଧିକାଂଶ ରାଜ୍ୟରେ ବ୍ୟାଙ୍କ ବନ୍ଦ ରହିବ।
ଆମେ ଆପଣଙ୍କୁ କହି ରଖୁଛୁ ଯେ, ଏପ୍ରିଲ ମାସରେ ମହତ୍ତବପୂର୍ଣ୍ଣ ପର୍ବ ଯେପରି ମହାବୀର ଜୟନ୍ତୀ, ବାବୁ ଜଗଜୀବନ ରାମଙ୍କ ଜନ୍ମଦିନ, ଗୁଡ୍ ଫ୍ରାଇଡେ, ଡକ୍ଟର ବାବାସାହେବ ଆମ୍ବେଦକର ଜୟନ୍ତୀ, ବିଷୁବ ପଣା ସଂକ୍ରାନ୍ତି, ତାମିଲ ନୂତନ ବର୍ଷ ଦିବସ, ହିମାଚଳ ଦିବସ / ବଙ୍ଗାଳୀ ନୂତନ ବର୍ଷ ଦିବସ (ନବରଶା), ଶବ୍-ଲ-କାଦର, ଇଦ୍-ଉଲ୍-ଫିତର (ରମଜାନ ଇଦ୍) ।
ଏଠାରେ ପରିଦର୍ଶନ କରନ୍ତୁ: ଯଦି ଆପଣ ନିଜ ରାଜ୍ୟରେ ବ୍ୟାଙ୍କ୍ ହୋଲିଡ୍ ସୂଚନା ଚାହୁଁଛନ୍ତି, ତେବେ https://rbi.org.in/Scripts/HolidayMatrixDisplay.aspx ଲିଙ୍କ୍ ପରିଦର୍ଶନ କରିପାରିବେ । ଏହି ଲିଙ୍କ୍ ମାଧ୍ୟମରେ, ଆପଣ ଜାଣିପାରିବେ ଯେ ଆପଣଙ୍କ ରାଜ୍ୟରେ ବ୍ୟାଙ୍କ କେବେ ବନ୍ଦ ହେବ ଏବଂ ଏହି ଛୁଟିଦିନର କାରଣ ମଧ୍ୟ ।
