ଓଡିଶାର ୨୫୦ ସ୍କୁଲରେ ଅଲିମ୍ପିକ ଅଭିଯାନ ଆରମ୍ଭ କରିବେ ସରକାର: ମୁଖ୍ୟମନ୍ତ୍ରୀଙ୍କୁ ଭେଟିଲେ OFCH ନିର୍ଦ୍ଦେଶକ
ଭୁବନେଶ୍ୱର: ଓଡିଶାରେ ଅଲିମ୍ପିକ ଅଭିଯାକୁ ପ୍ରୋତ୍ସାହନ ଦେବା ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଭେଟିଛନ୍ତି ଓଏଫସିଏଚ ନିର୍ଦ୍ଦେଶକ । ରାଜ୍ୟରେ ଅଲିମ୍ପିକ ମୂଲ୍ୟ ପ୍ରଶିକ୍ଷଣ କାର୍ଯ୍ୟକ୍ରମ ପଦକ୍ଷେପ ଉପରେ ସେ ମୁଖ୍ୟମନ୍ତ୍ରୀଙ୍କ ସହ ଆଲୋଚନା କରିଛନ୍ତି । ତେବେ ଏହି ପରୀପ୍ରେକ୍ଷୀରେ ରାଜ୍ୟର ୨୫୦ ସ୍କୁଲକୁ କାର୍ଯ୍ୟକ୍ରମର ବିସ୍ତାର କରିବା ପାଇଁ ଲକ୍ଷ୍ୟ ରଖାଯାଇଛି । ତେବେ ୨୦୨୨ ମେ ମାସରୁ ଓଭିଇପି ଆରମ୍ଭ ହୋଇଛି । ଖୁବଶୀଘ୍ର ରାଜ୍ୟର ୨୫୦ଟି ବିଦ୍ୟାଳୟରେ ଅଲିମ୍ପିକ ଭାଲ୍ୟୁ ଏଜୁକେସନ ପ୍ରୋଗ୍ରାମ କାର୍ଯ୍ୟକ୍ରମ ଆରମ୍ଭ ହେବ । ୧.୫ ଲକ୍ଷରୁ ଅଦିକ ସ୍କୁଲ ଏଥିରେ ସାମିଲ କରାଯିବ ବୋଲି ଜାଣିବାକୁ ମିଳିଛି । ତେବେ ପିଲାମାନଙ୍କୁ କ୍ରୀଡା କ୍ଷେତ୍ରରେ ପାରଙ୍ଗମ କରାଇବା ପାଇଁ ଶୃଙ୍ଖଳା ସହ ନୈତିକ ଶିକ୍ଷା ଦିଆଯିବ । ଏହି ପ୍ରୋଗ୍ରାମକୁ ଅନ୍ତର୍ଜାତୀୟ ଅଲିମ୍ପିକ୍ସ କମିଟି ଫରେଷ୍ଟ ନେଟୱାର୍କ ସମର୍ଥନ ଜଣାଇଥିବା ବେଳେ ରାଜ୍ୟରେ ୧୦ ଲକ୍ଷ ବୃକ୍ଷରୋପଣ କରାଯିବ । ଏ ନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସୂଚନା ଦେଇଛନ୍ତି ।
Hon'ble Chief Minister Shri @Naveen_Odisha met Director Olympic Foundation for Culture and Heritage along with the visiting team and discussed the progress of Olympic Value Education Program in #Odisha. pic.twitter.com/woEFsvUOEf
— Odisha Sports (@sports_odisha) April 2, 2023
ତେବେ ଓଏଫସିଏଚ ନିର୍ଦ୍ଦେଶିକା ଆଞ୍ଜେଲିନା ଟିଓ ଏବଂ ତାଙ୍କ ଦଳ ନବୀନ ନିବାସରେ ମୁଖ୍ୟମନ୍ତ୍ରୀଙ୍କୁ ଭେଟିଥିଲେ । କ୍ରୀଡା କ୍ଷେତ୍ରରେ ବିକାଶ ସହିତ ବନ୍ଧୁତ୍ୱ ଏବଂ ସମ୍ମାନ ବୃଦ୍ଧି କରିବା ପାଇଁ ଅନ୍ତର୍ଜାତୀୟ ଅଲିମ୍ପିକ୍ସ ଭାଲ୍ୟୁ ଏଜୁକେସନ୍ସ ପ୍ରୋଗ୍ରାମକୁ ପ୍ରଶଂସା କରିଛନ୍ତି । ପ୍ରଥମ ପର୍ଯ୍ୟାୟରେ ଭୁବନେଶ୍ୱର ଓ ରାଉରକେଲାର ୨୦ ଟି ସ୍କୁଲରେ ଏହି କାର୍ଯ୍ୟକ୍ରମ ଆରମ୍ଭ ହୋଇଥିବା ବେଳେ ଏହି ସଂଖ୍ୟାକୁ ଆଗକୁ ୨୫୦ରେ ପହଞ୍ଚାଇବା ପାଇଁ ଲକ୍ଷ୍ୟ ରଖାଯାଇଛି ।
