ଭୁଶୁଡ଼ିଲା ରମାଦେବୀ ୟୁନିଭର୍ସିଟିର ୨ ମାସ ପୂର୍ବରୁ ନିର୍ମିତ ପାଚେରି
ଭୁବନେଶ୍ୱର: ରମାଦେବୀ ମହିଳା ବିଶ୍ୱବିଦ୍ୟାଳୟର ପାଚେରି ଆଜି ଭୁଶୁଡ଼ି ପଡ଼ିଛି । ପ୍ରାୟ ୧୦୦ ଫୁଟ ଲମ୍ବର ପାଚେରି ଭୁଶୁଡ଼ି ପଡିଥିବା ନେଇ ସୂଚନା ମିଳିଛି । ଭୁଶୁଡ଼ି ପଡ଼ିଥିବା ପାଚେରିଟି ୨ ମାସ ପୂର୍ବରୁ ନିର୍ମାଣ ହୋଇଥିବା ଜଣାପଡିଛି । ରୁପାଲି ଛକ ପାଖରେ ଜନପଥକୁ ଲାଗିରହିଥିବା ପାଚେରିଟି ବିଶ୍ୱବିଦ୍ୟାଳୟର ଗାର୍ଡେନକୁ ଭୁଶୁଡ଼ି ପଡ଼ିଛି । ତେବେ ନିମ୍ନମାନର କାମ ପାଇଁ ପାଚେରି ଭୁଶୁଡି ପଡ଼ିଲା ବୋଲି ସ୍ଥାନୀୟ କର୍ପୋରେଟର କହିଛନ୍ତି । ପୁରୁଣା ପାଚେରି ଉପରେ ଯୋଡ଼ି ଉଚ୍ଚା କରାଯିବାରୁ ଏପରି ଘଟିଥିବା ଅଭିଯୋଗ ହୋଇଛି ।
