ମେ ୧୩ ତାରିଖରେ ୭୧ ହଜାର ନିଯୁକ୍ତି ପତ୍ର ବଣ୍ଟନ କରିବେ ପ୍ରଧାନମନ୍ତ୍ରୀ
ନୂଆଦିଲ୍ଲୀ: ମେ ମାସ ୧୩ ତାରିଖରେ ପ୍ରଧାନମନ୍ତ୍ରୀ ମୋଦୀ ବିଭିନ୍ନ ବିଭାଗରେ ଚୟନ ହୋଇଥିବା ୭୧ ହଜାର ଯୁବବର୍ଗଙ୍କୁ ନିଯୁକ୍ତି ପତ୍ର ପ୍ରଦାନ କରିବେ । ଭିଡିଓ କନଫରେନ୍ସିଂ ମାଧ୍ୟମରେ ପିଏମ୍ ମୋଦୀ ଏହି ନିଯୁକ୍ତି ପତ୍ର ବଣ୍ଟନ କରିବେ । ସକାଳ ୧୦.୩୦ ସମୟରେ ପିମ୍ ମୋଦୀ ନିଯୁକ୍ତି ପତ୍ର ବାଣ୍ଟିବା ସହିତ ରୋଜଗାର ମେଳାର ସଫଳତା ବିଷୟରେ ଯୁବବର୍ଗଙ୍କୁ ସମ୍ବୋଧିତ କରିବେ ।
ଏହା ପୂର୍ବରୁ ଗତ ଜାନୁଆରୀ ମାସରେ ପିଏମ୍ ମୋଦୀ ରୋଜଗାର ମେଳା ଅଭିଯାନ ମାଧ୍ୟମରେ ପାଖାପାଖି ୭୧ ହଜାର ନବ ନିଯୁକ୍ତଙ୍କୁ ନିଯୁକ୍ତି ପତ୍ର ବାଣ୍ଟିଥିଲେ । ବିଭିନ୍ନ ସରକାରୀ ବିଭାଗ ଓ ସଂଗଠନରେ ସଫଳ ପ୍ରାର୍ଥୀଙ୍କୁ ଚାକିରି ପ୍ରଦାନ କରାଯାଇଥିଲା । ୧ରୁ ୧.୫ ବର୍ଷ ମଧ୍ୟରେ କେନ୍ଦ୍ର ସରକାର ୧୦.୫ ଲକ୍ଷ ଯୁବବର୍ଗଙ୍କୁ ଚାକିରି ପ୍ରଦାନ କରିବା ନେଇ କେନ୍ଦ୍ର ସରକାର ଲକ୍ଷ୍ୟ ରଖିଛନ୍ତି । ପ୍ରାର୍ଥୀଙ୍କୁ ଟ୍ରେନ, ମ୍ୟାନେଜର, ଷ୍ଟେସନ ମାଷ୍ଟର, ସବଇନ୍ସପେକ୍ଟର, କନଷ୍ଟେବଳ, ଷ୍ଟେନୋଗ୍ରାଫର, ଜୁନିୟର ଆକାଉଣ୍ଟାଣ୍ଟ, ପୋଷ୍ଟାଲ ଆସିଷ୍ଟାଣ୍ଟ, ଟ୍ୟାକ୍ସ ଆସିଷ୍ଟାଣ୍ଟ, ଆସିଷ୍ଟାଣ୍ଟ ପ୍ରଫେସର, ଟିଚର, ନର୍ସ, ପିଏ ଆଦି ପଦରେ ଚାକିରି ମିଳିବ ।
