ଦିଲ୍ଲୀ ଅବକାରୀ ନୀତି ମାମଲାରେ ମନିଷ ସିସୋଦିଆଙ୍କୁ ଚାର୍ଜସିଟ୍ରେ ଅଭିଯୁକ୍ତ ଭାବେ ସାମିଲ କଲା ସିବିଆଇ
ନୂଆଦିଲ୍ଲୀ: ଦିଲ୍ଲୀ ଅବକାରୀ ନୀତି ମାମଲାରେ ପୁର୍ବତ୍ତନ ଉପମୁଖ୍ୟମନ୍ତ୍ରୀ ମନିଷ ସିସୋଦିଆ ଏବେ ସିବିଆଇ ଏବଂ ଇଡିର ତଦନ୍ତ ଘେରରେ ଅଛନ୍ତି । ସିବିଆଇ ଏହି ମାମଲାରେ ମଙ୍ଗଳବାର ରାଉସ୍ ଆଭେନ୍ୟୁ କୋର୍ଟରେ ସପ୍ଲିମେଣ୍ଟାରୀ ଚାର୍ଜସିଟ୍ ଦାଖଲ କରିଛି । ସିବିଆଇ ଚାର୍ଜସିଟ୍ରେ ପ୍ରଥମ ଥର ପାଇଁ ମନିଷ ସିସୋଦିଆଙ୍କୁ ଅଭିଯୁକ୍ତ ଭାବେ ସାମିଲ କରିଛି । ସିସୋଦିଆଙ୍କ ବ୍ୟତିତ ସିବିଆଇ ଚାର୍ଜସିଟ୍ରେ ବୁଚ୍ଚୀ ବାବୁ, ଅର୍ଜୁନ୍ ପାଣ୍ଡେ, ଅମନଦୀପ ଢାଲ ଏବଂ ଭାରତୀୟ ରାଷ୍ଟ୍ରୀୟ ସମିତି ନେତା ଏବଂ ତେଲେଙ୍ଗାନା ମୁଖ୍ୟମନ୍ତ୍ରୀ କେସିଆଙ୍କ ଝିଅ କବିତାଙ୍କନାମ ମଧ୍ୟ ସାମିଲ କରିଛି ।
ବର୍ତ୍ତମାନ, ସିସୋଦିଆ ମେ ୨ ପର୍ଯ୍ୟନ୍ତ ନ୍ୟାୟିକ ହେପାଜତରେ ଅଛନ୍ତି। ଏକ୍ସାଇଜ୍ ମାମଲାରେ ମନୀଷ ସିସୋଦିଆଙ୍କୁ ୮ ଘଣ୍ଟା ପଚରାଉଚରା ପରେ ଫେବୃଆରୀ 26 ରେ ସିବିଆଇ ଗିରଫ କରିଥିଲା। ଏହି ମାମଲାରେ ଅନ୍ୟ ଅଭିଯୁକ୍ତଙ୍କ ଭୂମିକା ଉପରେ ଏଜେନ୍ସି ଅଧିକ ତଦନ୍ତ ଜାରି ରଖିଥିବା କହିଛି।
ପାଞ୍ଚ ମାସ ପୂର୍ବେ ଅବକାରୀ ନୀତି ମାମଲାରେ ଅଭିଯୁକ୍ତଙ୍କ ବିରୋଧରେ ସିବିଆଇ ୧୦,୦୦୦ ପୃଷ୍ଠାର ଚାର୍ଜସିଟ ଦାଖଲ କରିଥିଲା। ସିସୋଦିଆଙ୍କର ନାମ ଏଥିରେ ନଥିଲା। ସିବିଆଇ ଚାର୍ଜସିଟରେ ଦୁଇଜଣ ଗିରଫ ବ୍ୟବସାୟୀ, ଏକ ନ୍ୟୁଜ ଚ୍ୟାନେଲର ମୁଖ୍ୟ, ହାଇଦ୍ରାବାଦର ଏକ ମଦ ବରୁଣ, ଦିଲ୍ଲୀର ଜଣେ ମଦ ବିତରକ ଏବଂ ଏକ୍ସାଇଜ୍ ବିଭାଗର ଦୁଇଜଣ ଅଧିକାରୀ ସାମିଲ ଅଛନ୍ତି। ଚାର୍ଜସିଟରେ ବିଜୟ ନାୟାର, ଅଭିଷେକ ବୋଇନପାଲି, ଅରୁଣ ପିଲ୍ଲାଇ, ସମୀର ମହେନ୍ଦ୍ର, ଗୌତମ ମୁଥା, କୁଲଦୀପ ସିଂ ଏବଂ ନରେନ୍ଦ୍ର ସିଂଙ୍କ ନାମ ମଧ୍ୟ ରହିଛି।
