ବ୍ରାହ୍ମଣୀ ନଦୀରେ ଯାତ୍ରୀବାହୀ ଡଙ୍ଗା ବୁଡି ୨ଜଣ ନିଖୋଜ
କେନ୍ଦ୍ରପଡା: ବ୍ରାହ୍ମଣୀ ନଦୀରେ ଯାତ୍ରୀବାହୀ ଡଙ୍ଗା ବୁଡି ୨ଜଣ ନିଖୋଜ ହୋଇଛନ୍ତି। ଏଭଳି ଏକ ଅଭାବନୀୟ ଘଟଣା ଘଟିଛି କେନ୍ଦ୍ରାପଡ଼ା ଜିଲା ଆଳି ବ୍ଲକ ଏକମାଣିଆରେ। ଆଳି ବ୍ଲକ ଏକମାଣିଆ ପଞ୍ଚାୟତକୁ ଚତୁଃପାର୍ଶ୍ୱରୁ ବ୍ରାହ୍ମଣୀ ଓ ଖରସ୍ରୋତା ନଦୀ ଘେରି ରହିଛି। ଏହି ପଞ୍ଚାୟତର ଯାତାୟାତର ମାଧ୍ୟମ ଡଙ୍ଗା। ଗୁରୁବାର ସକାଳେ ଏକମାଣିଆ ଘାଟରୁ ଅଳ୍ପକିଛି ଯାତ୍ରୀଙ୍କୁ ନେଇ ଘାଟ ଛାଡିଥିଲା। ମାତ୍ର କିଛି ଦୂରତାରେ ଡଙ୍ଗାଟି ହଠାତ୍ ବୁଡି ଯାଇଥିଲା। ଡଙ୍ଗା ବୁଡିଯିବା ପରେ କିଛି ଲୋକ ଉଦ୍ଧାର ହୋଇଥିବା ବେଳେ ଘାଟିଆ ଓ ଜଣେ ଯୁବକ ନିଖୋଜ ଥିବା ସ୍ଥାନୀୟ ଲୋକଙ୍କଠାରୁ ସୂଚନା ମିଳିଛିl ଏହି ଘଟଣାକୁ ନେଇ ଏକମାଣିଆ ପଞ୍ଚାୟତରେ ବର୍ତ୍ତମାନ ଦୁଃଖର ବାତାବରଣ ଖେଳିଯାଇଛି। ପଞ୍ଚାୟତର ଲୋକମାନେ ଡଙ୍ଗା ସାହାଯ୍ୟରେ ନିଖୋଜମାନଙ୍କୁ ଖୋଜିବାରେ ଲାଗିଛନ୍ତି।
