ଆର୍ଯ୍ୟନ ଖାନଙ୍କ ପରିବାରଠୁ ୨୫ କୋଟି ଟଙ୍କା ହଡ଼ପ କରିବାର ଷଡ଼ଯନ୍ତ୍ର କରିଥିଲେ ଏନସିବି ଅଧିକାରୀ ସମୀର ଓ୍ବାଙ୍ଖେଡେ -ସିବିଆଇର ଖୁଲାସା
ନୂଆଦିଲ୍ଲୀ: ଏନସିବି ଅଧିକାରୀ ସମୀର ଓ୍ବାଙ୍ଖେଡେଙ୍କ ସହିତ ଜଡ଼ିତ ଆର୍ଯ୍ୟନ ଖାନ ମାମଲାରେ ସିବିଆଇ ବଡ଼ ଖୁଲାସା କରିଛି। ସିବିଆଇ ଏହାର ରିପୋର୍ଟରେ କହିଛି ଯେ, କ୍ରୁଜ୍ ଡ୍ରଗ୍ସ ମାମଲାରେ ତଦନ୍ତ କରୁଥିବା ଅଧିକାରୀମାନେ ଆର୍ଯ୍ୟନ ଖାନଙ୍କ ପରିବାରଠୁ ୨୫ କୋଟି ଟଙ୍କା ହଡ଼ପ କରିବାର ଷଡ଼ଯନ୍ତ୍ର କରିଥିଲେ।
କ୍ରୁଜ୍ ଉପରେ ଚଢାଉ କରିବା ପରେ ଅଭିଯୁକ୍ତମାନଙ୍କୁ ସ୍ୱାଧୀନ ସାକ୍ଷୀ କେ.ଭି ଗୋସାଭିଙ୍କ ଗାଡିରେ ଅଣାଯାଇଥିଲା। କେ.ଭି ଗୋସାଭିଙ୍କୁ ଏନସିବି ଅଧିକାରୀ ଭାବରେ ଦର୍ଶାଯାଇଥିଲା। କେ.ଭି ଗୋସାଭି ଏବଂ ତାଙ୍କ ସହଯୋଗୀ ସାନଭିଲ୍ ଡି’ସୁଜା ଆର୍ଯ୍ୟନ୍ ଖାନଙ୍କ ପରିବାରରୁ ୨୫ କୋଟି ଟଙ୍କା ଲୁଟିବା ପାଇଁ ଷଡଯନ୍ତ୍ର କରିଥିଲେ ବୋଲି ଏଫଆଇଆରରେ ଲେଖାଯାଇଛି। ଏହି ସମୟରେ ଦୁଇଜଣ ସାକ୍ଷୀଙ୍କ ମଧ୍ୟରୁ ଜଣେ ଆର୍ଯ୍ୟନ ଖାନଙ୍କ ସହିତ ସେଲ୍ଫି ନେଇଥିବା ଫଟୋ ମଧ୍ୟ ଭାଇରାଲ ହୋଇଥିଲା । ତେବେ ଏହି ମାମଲାରେ ଆର୍ଯ୍ୟନ ଖାନଙ୍କୁ ଫସାଇ ଦେବାକୁ ଧମକ ଦିଆଯାଇଥିଲା ଏବଂ ଶେଷରେ ୧୮ କୋଟି ଟଙ୍କା ପାଇଁ ଏକ ଚୁକ୍ତି କରାଯାଇଥିଲା । କେ.ଭି ଗୋସାଭି ଟୋକେନ୍ ଟଙ୍କା ଭାବରେ ୫୦ ଲକ୍ଷ ଟଙ୍କା ନେଇଥିଲେ ।
ସିବିଆଇ ଟିମ୍ ୧୧ ମଇରେ ସିବିଆଇରେ ଏହାର ରିପୋର୍ଟ ଦାଖଲ କରିଥିଲା । ଏହି ମାମଲାରେ ସିବିଆଇ ୨୫ ଅକ୍ଟୋବର ୨୦୨୧ ରେ ଭିଜିଲାନ୍ସ ତଦନ୍ତ ଆରମ୍ଭ କରିଥିଲା। ଏଫଆଇଆର୍ ଗତ ସପ୍ତାହରେ ରୁଜୁ ହୋଇଥିଲା। ଯେଉଁଥିରେ ସମୀର ଓ୍ବାଙ୍ଖେଡେ, ଏନସିବିରବି ପୂର୍ବ ଏସପି ବିଶ୍ବ ବି ବିଜବିୟ ସିଂ ହ, ଏନସିବି ଗୁଇନ୍ଦା ଅଧିକାରୀ ଆଶିଷ୍ ରଞ୍ଜନ ଏବଂ ୨ଜଣ କର୍ମଚାରୀ ମଧ୍ୟ ରହିଛନ୍ତି। ସୋମବାର ସିବିଆଇ ତରଫରୁ ଏହାକୁ ସାର୍ବଜନୀନ କରାଯାଇଛି। ଏଫଆଇଆରରେ କୁହା ଯାଇଛି, ଅକ୍ଟୋବର ୨୦୨୨ରେ ଅଭିନେତା ଶାହାରୁଖ ଖାନଙ୍କ ପୁଅ ଅର୍ଯ୍ୟାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ସମୟରେ ସାକ୍ଷୀ କେପି ଗୋସବୀଙ୍କୁ ଫ୍ରିହ୍ୟାଣ୍ଡ ଅନୁମତି ଦିଆ ଯାଇଥିଲା।
