ସମୁଦ୍ରରେ ବୁଡିଗଲେ ଦୁଇ ଛାତ୍ରୀ

ଛତ୍ରପୁର: ଛତ୍ରପୁର ଆର୍ଯ୍ୟପଲ୍ଲୀରେ ନିଖୋଜ ଛାତ୍ରୀ ପ୍ରଜ୍ଞାରାଣୀ ତ୍ରିପାଠୀଙ୍କୁ ଉଦ୍ଧାର ପାଇଁ ଉଦ୍ୟମ। ଉଦ୍ଧାର କାର୍ଯ୍ୟରେ ଏୟାରକ୍ରାଫ୍ଟ ନିୟୋଜିତ ହୋଇଛି । କୋଷ୍ଟଗାର୍ଡ ଡିଆଇଜିଙ୍କୁ ରେସକ୍ୟୁ ଅପରେସନ୍ ପାଇଁ ଏସଆରସି ନିର୍ଦ୍ଦେଶ ଦେଇଛନ୍ତି । ଭୁବନେଶ୍ବରରୁ ଏୟାରକ୍ରାଫ୍ଟ ବାହାରି ଆର୍ଯ୍ୟପଲ୍ଲୀରେ ପହଞ୍ଚିଛି। ସେଠାରେ କୋଷ୍ଟଗାର୍ଡ ପକ୍ଷରୁ ଉଦ୍ଧାର କାର୍ଯ୍ୟ କରାଯାଉଛି।

ଗଞ୍ଜାମ ଜିଲ୍ଲା ଗୋପାଳପୁର ନିକଟ ଆର୍ଯ୍ୟପଲ୍ଲି ଗାଁରେ ସମୁଦ୍ରରେ ଗାଧୋଇବା ବେଳେ ଦୁଇ ଛାତ୍ରୀ ଭାସି ଯାଇଥିଲେ। ଜଣେ ପ୍ରାଣ ହରାଇଥିବା ବେଳେ ଅନ୍ୟ ଜଣେ ନିଖୋଜ ହୋଇଛନ୍ତି। ମୃତ ଛାତ୍ରୀ ଜଣଙ୍କ ହେଲେ କନିଷିର ସ୍ୱପ୍ନା ରାଣୀ ପଣ୍ଡିତ । ନିଖୋଜ ଛାତ୍ରୀ ହେଉଛନ୍ତି ପ୍ରଜ୍ଞାରାଣୀ ତ୍ରିପାଠୀ। ଯାତ୍ରା ଦେଖିବା ପାଇଁ ମାମୁଁଙ୍କ ଘରକୁ ଆସିଥିବା ବେଳେ ଆଜି ସକାଳୁ ୫ଜଣ ସାଙ୍ଗ ମିଶି ସମୁଦ୍ରକୁ ଗାଧୋଇବା ପାଇଁ ଯାଇଥିଲେ। ଜଣଙ୍କର ମୃତ୍ୟୁ ହୋଇଥିବା ବେଳେ ଜଣେ ନିଖୋଜ ହୋଇଛନ୍ତି। ୩ଜଣ ସୁରକ୍ଷିତ ଭାବେ ଉଦ୍ଧାର ହୋଇଛନ୍ତି।