ମହାଭାରତର ଶକୁନିଙ୍କ ପରଲୋକ
ପରପାରିରେ ଲୋକପ୍ରିୟ ସିରିୟଲ ମହାଭାରତର ଶକୁନି ମାମାଙ୍କ ଭୂମିକା ଲିଭାଇଥିବା ଗୁଫି ପେଣ୍ଟଲ । ଦୀର୍ଘଦିନର ଅସୁସ୍ଥତା ପରେ ଶେଷରେ ଆଖିବୁଜିଛନ୍ତି ଏହି ଅଭିନେତା । ଏହି ଖବର ପରେ ଟିଭି ଓ ସିନେମା ଜଗତରେ ଶୋକର ଛାୟା ଖେଳିଯାଇଛି । ରୋଗାଗ୍ରାସ୍ତ ଯୋଗୁଁ ଦୀର୍ଘଦିନ ହେବ ହସ୍ପିଟାଲରେ ଚିକିତ୍ସିତ ହେଉଥିଲେ ଗୁଫି ପେଣ୍ଟଲ ।
ମୃତ୍ୟୁ ବେଳକୁ ତାଙ୍କୁ ୭୮ ବର୍ଷ ବୟସ ହୋଇଥିଲା । ସୂଚନା ଅନୁସାରେ ତାଙ୍କ ଅନ୍ତିମ ସଂସ୍କାର ଆଜି ଅନେ୍ଧରୀରେ ହେବ । ଗୁଫି ପେଣ୍ଟଲ ମହାଭାରତର ଶକୁନି ମାମା ଭାବେ ବେଶ ଲୋକପ୍ରିୟତା ହାସଲ କରିଥିଲେ । ସେ ଅଭିନେତା ହେବା ପୂର୍ବରୁ ସେନାରେ ଥିଲେ । ନିଜ ଭାଇଙ୍କଠାରୁ ଅନୁପ୍ରାଣିତ ହୋଇ ସେ ମୁମ୍ବାଇ ଆସି ଅଭିନୟ ଦୁନିଆରେ ପ୍ରବେଶ କରିଥିଲେ ।
ମହାଭାରତ ବ୍ୟତୀତ ଗୁଫି ପେଣ୍ଟଲ ଆକବର ବୀରବଲ, ସିଆଇଡି ଓ ରାଧାକୃଷ୍ଣ ଭଳି ସିରିୟଲରେ ଅଭିନୟ କରିଛନ୍ତି । ସେହିପରି ଦାବା, ସୁହାଗ, ଦେଶପରଦେଶ ଓ ଧୁମରେ ମଧ୍ୟ ନଜର ଆସିଛନ୍ତି । ଅଭିନୟ କରିବା ସହ ସେ କାଷ୍ଟିଂ ଡାଇରେକ୍ଟର ଭାବେ ମଧ୍ୟ କାମ କରିସାରିଛନ୍ତି ।
