ପ୍ରକାଶ ପାଇଲା JEE ଆଡଭାନ୍ସ ୨୦୨୩ ରେଜଲ୍ଟ
ନୂଆଦିଲ୍ଲୀ: ପ୍ରକାଶ ପାଇଲା JEE ଆଡଭାନ୍ସ ୨୦୨୩ ଫଳ । ଉଭୟ ପ୍ରଥମ ଓ ଦ୍ବିତୀୟ ପେପରରେ ୧ ଲକ୍ଷ ୮୦ ହଜାର ୩୭୨ ଜଣ ପରୀକ୍ଷାର୍ଥୀ ପରୀକ୍ଷା ଦେଇଥିବାବେଳେ ଉତ୍ତୀର୍ଣ୍ଣ ହୋଇଛନ୍ତି ୪୩ ହଜାର ୩୭୩ ଜଣ । ଉତ୍ତୀର୍ଣ୍ଣ ଛାତ୍ରଛାତ୍ରୀଙ୍କ ମଧ୍ୟରେ ଛାତ୍ରୀଙ୍କ ସଂଖ୍ୟା ରହିଛି ୭ ହଜାର ୫୦୯ । କମନ ରାଙ୍କ ଲିଷ୍ଟରେ ଛାତ୍ର ବର୍ଗରେ IIT ହାଇଦ୍ରାବାଦ ଜୋନର ବବିଲାଲା ଚିଦବିଳାସ ରେଡ୍ଡୀ ଟପ୍ପର ହୋଇଛନ୍ତି । ସେ ୩୬୦ ମାର୍କରୁ ରଖିଛନ୍ତି ୩୪୧ ମାର୍କ । ଛାତ୍ରୀ ବର୍ଗରେ ଟପ୍ପର ହୋଇଛନ୍ତି IIT ହାଇଦ୍ରାବାଦ ଜୋନର ନ୍ୟାୟକାନ୍ତି ନାଗା ଭାଗ୍ୟ ଶ୍ରୀ । ସାଧାରଣ ବର୍ଗରେ ୩୯ ହଜାର ୧୭୬ ଜଣ ପରୀକ୍ଷା ଦେଇଥିବାବେଳେ ପାସ୍ କରିଛନ୍ତି ୧୩ ହଜାର ୮୨୮ । ଓବିସି ଏନସିଏଲ ବର୍ଗରେ ୬୬ ହଜାର ୬୧୨ ପରୀକ୍ଷାର୍ଥୀଙ୍କ ମଧ୍ୟରୁ ପାସ୍ କରିଛନ୍ତି ୯ ହଜାର ୨୯ । ସାଧାରଣ ଇଡବ୍ଲୁଏସ ବର୍ଗରେ ୩୦ ହଜାର ୩୪୮ ଜଣ ପରୀକ୍ଷାର୍ଥୀ ଥିବାବେଳେ ୫ ହଜାର ୩୬୩ ପାସ୍ କରିଛନ୍ତି ।
