ରାଜ୍ୟରେ ପ୍ରଥମ ଥର ପାଇଁ ଆରମ୍ଭ ହେବ ’ଡିଜିଟାଲ କ୍ରପ୍ ସର୍ଭେ’
ଭୁବନେଶ୍ୱର: ରାଜ୍ୟରେ ପ୍ରଥମ ଥର ପାଇଁ ଆରମ୍ଭ ହେବ ଡିଜିଟାଲ କ୍ରପ୍ ସର୍ଭେ । ରାଜ୍ୟରେ ଚାଷ ହେଉଥିବା ବିଭିନ୍ନ ଫସଲର ସର୍ଭେ ଡିଜିଟାଲ ମାଧ୍ୟମରେ କରାଯିବ । ପ୍ରାରମ୍ଭିକ ଭାବେ ଚଳିତ ବର୍ଷ ନୂଆପଡ଼ା, ନୟାଗଡ଼, ଦେବଗଡ଼ ଓ ଭଦ୍ରକ ଜିଲ୍ଲାରେ ଆରମ୍ଭ ହେବ ଡିଜିଟାଲ ଶସ୍ୟ ସର୍ଭେ । ସର୍ଭେକାରୀ ଟିମ୍ ଜମିରେ ଚାଷ ହୋଇଥିବା ଫସଲର ଫଟୋ ସହ ଜମିର ଆୟତନ ସମ୍ପର୍କୀତ ସମସ୍ତ ତଥ୍ୟ ମୋବାଇଲ ଆପରେ ଅପଲୋଡ କରିବେ । ଏହାଦ୍ୱାରା ଚାଷୀ କେତେ ଅଞ୍ଚଳରେ କି ପ୍ରକାର ଫସଲ କରୁଛନ୍ତି, ତାହାର ବାସ୍ତବ ତଥ୍ୟ ରହିପାରିବ । ବିପର୍ଯ୍ୟୟ ସମୟରେ ସବସିଡ୍ ପ୍ରଦାନ ବେଳେ ଏହା ବିଶେଷ ସହାୟକ ହେବ । ଏଥିପାଇଁ ଆଜି କୃଷି ଭବନରେ ସର୍ଭେ କରିବାକୁ ଥିବା ଟିମକୁ ପ୍ରଶିକ୍ଷଣ ଦିଆଯାଇଛି ।
