ସଫଳ ହେଲା ଭାରତର ଚନ୍ଦ୍ରଯାନ-୩ : ଶୁଭେଚ୍ଛା ଜଣାଇଲେ ପ୍ରଧାନମନ୍ତ୍ରୀ
ଚନ୍ଦ୍ରଯାନ ୩ ସଫଳତାର ସହ ଲ୍ୟାଣ୍ଡିଂ କରିସାରିଛି । ଆଉ ବିଶ୍ୱରେ ଇତିହାସ ରଚିଛି ଭାରତ । ତୃତୀୟ ପ୍ରୟାସରେ ଭାରତକୁ ଏହି ବଡ ସଫଳତା ମିଳିଛି । ଆଜି ଯାଏଁ ଅପହଞ୍ଚ ଥିଲା ଦକ୍ଷିଣ ମେରୁ । ଦକ୍ଷିଣ ମେରୁରେ ପ୍ରଥମ ପହଞ୍ଚିଲା କେବଳ ଭାରତ । ଭାରତର ଏହି ସଫଳତାକୁ ଭର୍ଚୁଆଲ ମୋଡରେ ଚନ୍ଦ୍ରଯାନ ୩ର ଲ୍ୟାଣ୍ଡି ପ୍ରକ୍ରିୟାକୁ ଦେଖିଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ସେ ଏବେ ଦକ୍ଷିଣ ଆଫ୍ରିକା ଗସ୍ତରେ ରହିଛନ୍ତି ।
ଚନ୍ଦ୍ରଯାନ ୩ର ସଫଳ ଲ୍ୟାଣ୍ଡିଂ ପରେ ଶୁଭେଚ୍ଛା ଜଣାଇ ମୋଦୀ କହିଛନ୍ତି, ଏହି କ୍ଷଣ ଅବିସ୍ମରଣୀୟ, ଏହି କ୍ଷଣ ଅଦ୍ଭୁତପୂର୍ବ । ଏହା ୧୪୦ କୋଟି ଲୋକଙ୍କ ସାମର୍ଥ୍ୟର ପ୍ରମାଣ । ଏହି ବିକଶିତ ଭାରତର ଶଙ୍ଖନାଦ । ଉଦୀୟମାନ ଭାରତର ପ୍ରମାଣ । ନୂଆ ବିଶ୍ୱାସ, ନୂଆ ଉତ୍ସାହର ଏହା ପ୍ରମାଣ । ପୂରା ଭାରତ ଖୁସିରେ ଝୁମୁଛି । ଦକ୍ଷିଣ ମେରୁରେ ଭାରତ ପହଞ୍ଚିଛି । ଯାହା କୌଣସି ଦେଶ ପାରିନଥିଲେ ।
