ଅସହ୍ୟ ଜାଡ: ୧୦ ଡିଗ୍ରୀ ତଳେ ୧୧ରୁ ଅଧିକ ସହର

ଉତ୍ତରଅଂଚଳରୁ ଆରମ୍ଭ କରି ଦକ୍ଷିଣ ଅଂଚଳ ପର୍ଯ୍ୟନ୍ତ ଅଥବା ପଶ୍ଚିମରୁ ଉପକୂଳ ଅଂଚଳ ଯାଏ ସବୁଠି ଅସହ୍ୟ ଥଣ୍ଡା । ଶୀତର କୋପ ସମସ୍ତ ଜନଜୀବନଙ୍କୁ ଅସ୍ତବ୍ୟସ୍ତ କରିଦେଉଛି । ସବୁ ସ୍ଥାନରେ ରାତିର ତାପମାତ୍ରା କ୍ରମାଗତ ଭାବେ ହ୍ରାସ ପାଇବାରେ ଲାଗିଛି।ଏଥିଯୋଗୁ ରାଜ୍ୟରେ ଜାରି ରହିଛି ଶୀତ ପ୍ରକୋପ । ତେବେ ରାଜ୍ୟରେ ପ୍ରାୟ ୧୧ରୁ ଅଧିକ ସ୍ଥାନରେ ୧୦ ଡ଼ିଗ୍ରୀରୁ କମ ତାପମାତ୍ରା ରହିଛି ।

ଫୁଲବାଣୀର ସର୍ବନିମ୍ନ ତାପମାତ୍ରା ୮ ଡିଗ୍ରୀ ସେଲସିୟସ୍‌ ଥିବାବେଳେ କିରେଇରେ , ଜି.ଉଦୟଗିରି , ରାଉରକେଲା , ଅନୁଗୁଳ,ରାଣୀତାଲ,ଦାରିଙ୍ଗବାଡି, ସୁନ୍ଦରଗଡ଼, କେନ୍ଦୁଝର, କୋରାପୁଟ ,ଝାରସୁଗୁଡ଼ା ଇତ୍ୟାଦି ଅଂଚଳରେ ୧୦ ଡିଗ୍ରୀ ଏଉ କମ ତାପମାତ୍ରା ରହିଥଲାବେଳେ ଅନ୍ୟ ସହର ସବୁ ଯଥା ସୋନପୁରର ସର୍ବନିମ୍ନ ତାପମାତ୍ରା , ଭବାନୀପାଟଣା , ବାରିପଦା , ବଲାଙ୍ଗିର, ବୌଦ୍ଧ , ଢେଙ୍କାନାଳ, ନବରଙ୍ଗପୁର, କେନ୍ଦ୍ରାପଡ଼ା, ତାଳଚେର, ଭଦ୍ରକ , ଭୁବନେଶ୍ୱର ଓ କଟକ ଇତ୍ୟାଦି ସହରରେ ତାପମାତ୍ରା ୧୦ ଡିଗ୍ରୀ ରୁ ୧୫ଡିଗ୍ରୀ ଭିତରେ ରହିଛି। ଏଥିସହ ହାଲୁଲୁଙ୍କ ପବନ ଦେଉଥିବାରୁ ସନ୍ଧ୍ୟା ପରେ ଓ ସକାଳୁ ଘରୁ ବାହାରିବା କଷ୍ଟକର ହୋଇପଡୁଛି ।