ଆଉ ୬ ଦିନରେ ହେବ ୫୦୦ ବର୍ଷ ଅପେକ୍ଷାର ଅନ୍ତ : ଆଜିଠାରୁ ଆରମ୍ଭ ହୋଇଛି ରାମଲାଲାଙ୍କ ପ୍ରତିଷ୍ଠା ବିଧି

ରାମମନ୍ଦିରରେ ପ୍ରଭୁ ରାମଲାଲାଙ୍କ ପ୍ରାଣପ୍ରତିଷ୍ଠା ଉତ୍ସବ ପାଇଁ ଆଉ ୬ ଦିନ ରହିଥିବାବେଳେ ଚଳଚଞ୍ଚଳ ହୋଇପଡିଛି ଅଯୋଧ୍ୟା ନଗରୀ । ଆଉ କିଛି ଦିନ ଅପେକ୍ଷା ପରେ ଦୀର୍ଘ ୫୦୦ ବର୍ଷ ଅପେକ୍ଷାର ଅନ୍ତ ଘଟିବ । ଆଜି ରାମ ମନ୍ଦିରରେ ପ୍ରଭୁ ରାମଲାଲାଙ୍କ ପ୍ରତିଷ୍ଠା ବିଧି ସମାରୋହ ଆରମ୍ଭ ହୋଇଛି । ଆସନ୍ତା ଜାନୁଆରୀ ୨୨ ତରିଖରେ ପ୍ରଭୁଙ୍କ ପ୍ରାଣ ପ୍ରତିଷ୍ଠା ଉତ୍ସବ ଅନୁଷ୍ଠିତ ହେବାକୁ ଥିବାବେଳେ ଆଜି ଠାରୁ ଏହି ଉତ୍ସବର ପ୍ରଥମ ବିଧି ଅନୁଷ୍ଠିତ ହେଉଛି। ଏଥିପାଇଁ ପୂଜକଙ୍କୁ ପ୍ରଭୁଙ୍କ ଶ୍ରୀରାମଙ୍କ ଅଙ୍ଗବସ୍ତ୍ର ଦିଆଯାଇଛି । ଆସନ୍ତା ଜାନୁଆରୀ ୧୮ ତାରିଖରେ ରାମ ମନ୍ଦିର ଗର୍ଭଗୃହରେ ପ୍ରଭୁଙ୍କ ରାମଲାଲା ମୂର୍ତ୍ତି ସ୍ଥାପନ କରାଯିବ ବୋଲି ସୂଚନା ମିଳିଛି । ମନ୍ଦିର ଟ୍ରଷ୍ଟ ଦ୍ୱାରା ୭000 ରୁ ଅଧିକ ଲୋକଙ୍କୁ ଏହି ଭବ୍ୟ ଦିନରେ ସାମିଲ ହେବା ପାଇଁ ନିମନ୍ତ୍ରଣ ପତ୍ର ପ୍ରଦାନ କରାଯାଇଛି ।