ସୋନପୁର ଆମ୍ବେଦକର ଛକରେ ବଜରଙ୍ଗ ଦଳ ଓ ଭୀମ ଆର୍ମି ମୁହାଁମୁହିଁ
ହନୁମାନ ଜୟନ୍ତୀ ଶୋଭାଯାତ୍ରା ବେଳେ ବଜରଙ୍ଗ ଦଳ ଓ ଭୀମ ଆର୍ମି ମୁହାଁମୁହିଁ । ସୋନପୁର ଆମ୍ବେଦକର ଛକରେ ଉଭୟ କର୍ମୀ ସାମ୍ନାସାମ୍ନି । ଉଭୟ ପକ୍ଷରୁ ଶୋଭାଯାତ୍ରା ଚାଲିଥିବା ବେଳେ ଦେଖା ଦେଇଥିଲା ଉତ୍ତେଜନା । ପୋଲିସ ଉପସ୍ଥିତିରେ ଘଟିଛି ଗଣ୍ଡଗୋଳ ।
ଜରଙ୍ଗ କର୍ମୀଙ୍କୁ ଭୀମ ଆର୍ମି ମାଡ଼ ମାରିଥିବା ଅଭିଯୋଗ ହୋଇଛି । ସୁବର୍ଣ୍ଣପୁର ବଜରଙ୍ଗ ଦଳ ପକ୍ଷରୁ ହନୁମାନ ଜୟନ୍ତୀ ଅବସରରେ ରୟାଲ ପଡ଼ିଆ ସ୍ଥିତ ବାଲାଜୀ ମନ୍ଦିରରୁ ଏକ ବାଇକ୍ ଶୋଭାଯାତ୍ରା ବାହାରି ସହର ପରିକ୍ରମା କରିଥିଲା । ସେହି ସମୟରେ ଆମ୍ବେଦକର ଜୟନ୍ତୀ ଅବସରରେ ଭୀମ ଆର୍ମି ପକ୍ଷରୁ ମଧ୍ୟ ଶୋଭାଯାତ୍ରା ବାହାରିଥିଲା । ଆମ୍ବେଦକର ଛକରେ ଉଭୟ ଗୋଷ୍ଠୀ ମୁହାମୁହିଁ ହୋଇଥିଲେ । ପୋଲିସ ଉପସ୍ଥିତରେ ଜଣେ ବଜରଙ୍ଗ କର୍ମୀଙ୍କୁ ଅତର୍କିତ ଆକ୍ରମଣ କରାଯାଇଥିବା ହୋଇଛି ଅଭିଯୋଗ । ଶାନ୍ତି ଶୃଙ୍ଖଳାରେ ଶୋଭାଯାତ୍ରା କରୁଥିବାବେଳେ ଭୀମ ଆର୍ମି ପକ୍ଷରୁ ବିଶୃଙ୍ଖଳା ସୃଷ୍ଟି କରାଯାଇଥିବା ହୋଇଛି ଅଭିଯୋଗ । ପୋଲିସ ପକ୍ଷରୁ ଉଭୟ ଗୋଷ୍ଠୀଙ୍କୁ ବୁଝାସୁଝା ପରେ ପରିସ୍ଥିତିକୁ ନିୟନ୍ତ୍ରଣକୁ ଆସିଥିଲା ।
