ଦୁବାଇରୁ ଦିଲ୍ଲୀ ଅଭିମୁଖେ ଆସିଥିବା ଏୟାର ଇଣ୍ଡିଆ ବିମାନରେ ଗୋଳାବାରୁଦ ଜବତ

ଦୁବାଇରୁ ଦିଲ୍ଲୀ ଅଭିମୁଖେ ଆସିଥିବା ଏୟାର ଇଣ୍ଡିଆ ବିମାନରେ ଗୋଳାବାରୁଦ ଜବତ କରାଯାଇଛି। ଖବର ଜଣାପଡିବା ପରେ ବିମାନ କର୍ମଚାରୀମାନେ ତତ୍ପରତା ଦେଖାଇ ସମସ୍ତ ଯାତ୍ରୀଙ୍କୁ ନିରାପଦରେ ଅବତରଣ କରିଥିଲେ। ପରେ ଏ ସମ୍ପର୍କରେ ପୋଲିସକୁ ଖବର ଦିଆଯାଇଥିଲା।ଏଏନଆଇ ସୁତ୍ରରୁ ପ୍ରକାଶ ଯେ, ଅକ୍ଟୋବର ୨୭, ୨୦୨୪ ରେ ଦୁବାଇରୁ ଉଡାଣ ଭରି ଦିଲ୍ଲୀରେ ଅବତରଣ କରିବା ପରେ ବିମାନ I-916 ର ସିଟ୍ ପକେଟ୍ ନିକଟରୁ ଗୋଳାବାରୁଦ ମିଳିଥିଲା। ଏହା ପରେ ସମସ୍ତ ଯାତ୍ରୀ ନିରାପଦରେ ଓହ୍ଲାଇଥିଲେ। ଏୟାର ଇଣ୍ଡିଆ ପକ୍ଷରୁ ପୋଲିସକୁ ଘଟଣା ସମ୍ପର୍କରେ ଅବଗତ କରାଯିବା ପରେ ଯାଞ୍ଚ କଡାକଡି କରାଯାଇଥିଲେ । ତେବେ ଗୋଳାବାରୁଦ କିଏ ଆଣିଥିଲା ତାହା ଜଣାପଡିନାହିଁ ।