ନିର୍ବାଚନରେ ବାଲଟ ପେପର ବ୍ୟବହାର ଦାବି ପାଇଁ ପିଟିସନକୁ ପ୍ରତ୍ୟାଖ୍ୟାନ କରିଛନ୍ତି ସୁପ୍ରିମକୋର୍ଟ
ସୁପ୍ରିମକୋର୍ଟ ମଙ୍ଗଳବାର ଦିନ ଇଲେକ୍ଟ୍ରୋନିକ ଭୋଟିଂ ମେସିନ ପରିବର୍ତ୍ତେ ନିର୍ବାଚନରେ ବାଲଟ ପେପର ବ୍ୟବହାର ଦାବି ପାଇଁ ପିଟିସନକୁ ପ୍ରତ୍ୟାଖ୍ୟାନ କରିଛନ୍ତି । ଜଷ୍ଟିସ ବିକ୍ରମ ନାଥ ଏବଂ ପିବି ବରାଲୀଙ୍କ ପୀଠ କହିଛନ୍ତି, ‘ଯେତେବେଳେ ଆପଣ ନିର୍ବାଚନ ଜିତୁଛନ୍ତି, ତେବେ ଇଭିଏମରେ ଟାମ୍ପରିଂ ହେଉନାହିଁ । ଯେବେ ଆପଣ ନିର୍ବାଚନ ହାରୁଛନ୍ତି, ସେବେ ହିଁ ଇଭିଏମରେ ଟାମ୍ପରିଂ ହେଉଛି ।’ଆବେଦନକାରୀ କେଏ ପାଲ କହିଛନ୍ତି ଯେ, ଗଣତନ୍ତ୍ରର ସୁରକ୍ଷା ପାଇଁ ବାଲଟ ପେପରକୁ ପୁଣିଥରେ ଲାଗୁ କରିବା ଆବଶ୍ୟକ ଏବଂ ଇଭିଏମରେ ଟାମ୍ପରିଂର ସମ୍ଭାବନା ରହିଛି । ସେ କହିଛନ୍ତି ଯେ
ଆନ୍ଧ୍ରପ୍ରଦେଶର ମୁଖ୍ୟମନ୍ତ୍ରୀ ଚନ୍ଦ୍ରବାବୁ ନାଇଡୁ, ପୂର୍ବତନ ମୁଖ୍ୟମନ୍ତ୍ରୀ ଜଗନ ମୋହନ ରେଡ୍ଡୀ ଦାବି କରିଛନ୍ତି ଯେ, ଇଭିଏମରେ ଟାମ୍ପରିଂ କରାଯାଇପାରେ । ସେ ଏଲନ ମସ୍କଙ୍କ ଏହି କଥାକୁ ମଧ୍ୟ ଜୋର ଦେଇଛନ୍ତି ଯେ, ଇଭିଏମକୁ ହ୍ୟାକ ମଧ୍ୟ କରାଯାଇପାରେ ।ଏହି ମାମଲାକୁ ନେଇ ପୀଠ କହିଛନ୍ତି ଯେ, ଯେବେ ଚନ୍ଦ୍ରବାବୁ ନାଇଡୁ ବା ରେଡ୍ଡୀ ହାରନ୍ତି, ସେବେ ସେମାନେ କୁହନ୍ତି ଯେ, ଇଭିଏମରେ ଟାମ୍ପରିଂ କରାଯାଉଛି । ଯେବେ ଜିତୁଛନ୍ତି, ସେବେ କିଛି କହୁନାହାନ୍ତି । ଆମେ ଏହାକୁ କିପରି ଦେଖିପାରିବୁ । ଆମେ ଏହାକୁ ପ୍ରତ୍ୟାଖ୍ୟାନ କରୁଛୁ । ଜଷ୍ଟିସ ନାଥ କହିଛନ୍ତି ଯେ, ଏହା ସେହି ସ୍ଥାନ ନୁହେଁ, ଯେଉଁଠାରେ ଆପଣ ଏହା ଉପରେ ଯୁକ୍ତି କରିପାରିବେ ।
