କନ୍ଧମାଳ ଏସପି ହରିଶ୍ ବି ସି ଙ୍କ ନିକଟରେ କ୍ୟାଡ଼ର ମାଓବାଦୀଙ୍କ ଆତ୍ମସମର୍ପଣ
ପୋଲିସ ନିକଟରେ ଆତ୍ମସମର୍ପଣ କଲା କୁଖ୍ଯାତ ମାଓବାଦୀ।କନ୍ଧମାଳ ଏସପି ହରିଶ୍ ବି ସି ଙ୍କ ନିକଟରେ କ୍ୟାଡ଼ର ମାଓବାଦୀଙ୍କ ଆତ୍ମସମର୍ପଣ । କେକେବିଏନ ଡିଭିଜନ ମାଓ ସଙ୍ଗଠନ ରାହୁଳ ଏରିଆ କମିଟିର ସଦସ୍ୟ କ୍ୟାଡ଼ର ମାଓବାଦୀ ବିଜା ମାଡବି (ଟିକେଶ) ଫୁଲବାଣୀ ଜିଲ୍ଲା ପୋଲିସ୍ ଅଫିସ୍ ଠାରେ ଗୁରୁବାର ଆତ୍ମସମର୍ପଣ କରିଛନ୍ତି।ଗୋଟିଏ ପିସ୍ତଲ ଓ ଦୁଇଟି ଅଫୁଟା ଗୁଳି ସହ ସେ ଆତ୍ମସମର୍ପଣ କରିଛି ବୋଲି ଦକ୍ଷିଣାଞ୍ଚଳ ଡିଆଇଜି ସାର୍ଥକ ଷଡ଼ଙ୍ଗୀ ଗଣମାଧ୍ୟମକୁ ସୂଚନା ଦେଇଛନ୍ତି।
ଆତ୍ମସମର୍ପଣ କରିଥିବା ମାଓବାଦୀଙ୍କ ଘର ଛତିଶଗଡ଼ ସୁକମା ଜିଲ୍ଲାର କିସ୍ତାରାମ ଥାନା ଅନ୍ତର୍ଗତ ମଙ୍ଗଳଗୁଡ଼ା ଗାଁରେ। ସେ ୨୦୧୮ ରୁ ମାଓ ସଙ୍ଗଠନରେ ସାମିଲ ହୋଇ କେକେବିଏନ୍, ବିଜିଏନ ଡିଭିଜନରେ କାମ କରୁଥିଲେ । ଜିଲ୍ଲାରେ ଘଟିଥିବା୧୦ଟି ମାଓ ହିଂସା କାର୍ଯ୍ୟରେ ସାମିଲ୍ ଥିଲେ ଟିକେଶ୍ । ୧୦ଟି ପୁଲିସ ମାଓ ଗୁଳିବିନିମୟ ଘଟଣାରେ ସେ ସାମିଲ ଥିଲେ । ମୃତ ମାଓ ନେତା ଦାଶ୍ରୁର ଅଙ୍ଗରକ୍ଷୀ ଥିଲା ଟିକେଶଏବଂ ଏନକାଉଣ୍ଟର ରେ ଦାଶ୍ରୁ ର ମୃତ୍ୟୁ ପରେ ଏକ ୪୭ କୁ ଅନ୍ୟତ୍ର ଚାଲାଣ କରିଦେଇଛି ବୋଲି ଏସପି କହିଛନ୍ତି। ତା ଠାରୁ ସୂଚନା ପାଇ ବାଲିଗୁଡା ଥାନା ବୁଡ଼ାଗୁଡ଼ା ଅଞ୍ଚଳର ଜଙ୍ଗଲରୁ ଡମ୍ପ ୟାର୍ଡ ରେ ଥିବା ମାଓ ସାମଗ୍ରୀ ଜବତ କରିଛି ପୋଲିସ।
