ସାଉଥ ଦିଲ୍ଲୀ ଓ ନର୍ଥୱେଷ୍ଟ ଦିଲ୍ଲୀରେ ଥିବା ସ୍କୁଲ ଗୁଡ଼ିକୁ ଚତୁର୍ଥ ଥର ପାଇଁ ମିଳିଲା ବୋମା ଧମକ
ଦିଲ୍ଲୀ ସ୍କୁଲକୁ ପୁଣିଥରେ ବୋମା ଧମକ। ବିଗତ ଏକ ମାସ ମଧ୍ୟରେ ଚୁର୍ଥ ଥର ପାଇଁ ଏହି ଧମକ ମିଳିଥିବା ନେଇ ସୂଚନା ରହିଛି। ମିଳିଥିବା ସୂଚନା ଅନୁଯାୟୀ ସାଉଥ ଦିଲ୍ଲୀ ଓ ନର୍ଥୱେଷ୍ଟ ଦିଲ୍ଲୀରେ ଥିବା ସ୍କୁଲ ଗୁଡ଼ିକୁ ଏହି ଧମକ ମିଳିଥିବା ନେଇ ସୂଚନା ରହିଛି। ପୋଲିସ ପକ୍ଷରୁ ଦିଆଯାଇଥିବା ବିବୃତ୍ତିରେ କୁହାଯାଇଛି, ‘ଦିଲ୍ଲୀର କିଛି ସ୍କୁଲକୁ ଆଜି ସକାଳେ ବୋମା ଧମକ ଦିଆଯାଇଛି। ଏହି ସମସ୍ତ ବିଦ୍ୟାଳୟ ଦକ୍ଷିଣ ଦିଲ୍ଲୀ ଏବଂ ଉତ୍ତର ପଶ୍ଚିମ ଦିଲ୍ଲୀରେ ଥିବା ସ୍କୁଲ ଗୁଡ଼ିକୁ ବୋମା ବିସ୍ଫୋରଣ ହେବାର ଧମକ ଦିଆଯାଇଛି। ଦକ୍ଷିଣ ଦିଲ୍ଲୀର ଇଣ୍ଡିଆନ୍ ପବ୍ଲିକ୍ ସ୍କୁଲ୍ ଏବଂ ଉତ୍ତର ପଶ୍ଚିମ ଦିଲ୍ଲୀର ସରସ୍ୱତୀ ବିହାରର ଏକ ବିଦ୍ୟାଳୟକୁ ଧମକ ଦିଆଯାଇଛି।
ପୋଲିସ ଏନେଇ ସୂଚନା ପାଇବା ପରେ ପୋଲିସ, ଅଗ୍ନିଶମ ବାହିନୀ ଏବଂ ବୋମା ନିଷ୍କାସନ ସ୍କ୍ୱାଡ ସ୍କୁଲକୁ ପଠାଯାଇଥିଲା। ବିଦ୍ୟାଳୟ ପରିସରକୁ ଖାଲି କରାଯାଇଛି। ମାମଲାରତଦନ୍ତ ଚାଲିଛି। ଏଠାରେ କହି ରଖୁ କି ଚଳିତ ମାସରେ ଚତୁର୍ଥ ଥର ପାଇଁ ଦିଲ୍ଲୀର ଅନେକ ବିଦ୍ୟାଳୟରେ ବୋମା ଧମକ ଦିଆଯାଉଛି।ସେପଟେ ଏହାକୁ ନେଇ ଏବେ ରାଜନୀତି ମଧ୍ୟ ଜୋର ଧରିଛି। ସେପ୍ଟେମ୍ବର ୧୩ରେ ମିଳିଥିବା ଧମକ ପରେ ଅରବିନ୍ଦ କେଜ୍ରିୱାଲ ଏହି ପ୍ରସଙ୍ଗରେ କେନ୍ଦ୍ର ସରକାରଙ୍କୁ ଟାର୍ଗେଟ
କରିଥିଲେ। ସେ ଟ୍ୱିଟ୍ରେ ଲେଖିଛନ୍ତି, ‘ଦିଲ୍ଲୀ ବିଦ୍ୟାଳୟଗୁଡ଼ିକୁ ବୋମା ଧମକ ବାରମ୍ବାର ମିଳୁଛି। ଯାହା ଅତ୍ୟନ୍ତ ଗମ୍ଭୀର ଏବଂ ଚିନ୍ତାଜନକ ବିଷୟ। ଯଦି ଏପରି ଜାରି ରୁହେ, ପିଲାମାନଙ୍କ ପାଇଁ ଏହା କେତେ ଖରାପ ହେବ? ସେମାନଙ୍କ ପାଠପଢା ମଧ୍ୟ ପ୍ରଭାବିତ ହେବ ବୋଲି ସେ ତାଙ୍କ ଟ୍ୱିଟରରେ ଉଲ୍ଲେଖ କରିଛନ୍ତି। ଅରବିନ୍ଦ କେଜ୍ରିୱାଲ କହିଛନ୍ତି, ‘ଦିଲ୍ଲୀରେ ସ୍କୁଲ, ଡାକ୍ତରଖାନା, ସଡକ ଏବଂ ବିଦ୍ୟୁତ ମରାମତି ଦାୟିତ୍ୱ ଆମେ ପୂରଣ କରିଛୁ, କିନ୍ତୁ ଦିଲ୍ଲୀର ଆଇନ ଶୃଙ୍ଖଳା ପରିସ୍ଥିତିକୁ କେନ୍ଦ୍ର ସରକାର ଏବଂ ଗୃହମନ୍ତ୍ରୀ ପରିଚାଳନା କରୁନାହାଁନ୍ତି। ଦିଲ୍ଲୀରେ ହତ୍ୟା ଓ ବୋମା ବିସ୍ଫୋରଣ ଘଟୁଛି। ଦିଲ୍ଲୀରେ ଆଇନ ଶୃଙ୍ଖଳା ପରିସ୍ଥିତି ଏପରି ହୋଇଛି ଯେ ଆଜି ସମସ୍ତେ ଭୟଭୀତ ଅଛନ୍ତି। ଲୋକମାନେ ପୁନରୁଦ୍ଧାର କଲ୍ ପାଇଛନ୍ତି | ମହିଳାମାନଙ୍କୁ ବଳାତ୍କାର ଓ ହତ୍ୟା କରାଯାଉଛି।
