ଡଲାର ତୁଳନାରେ ୫୫ ପଇସା ହ୍ରାସ ପାଇଲା ଭାରତୀୟ ମୁଦ୍ରା
ଡଲାର ତୁଳନାରେ ଟଙ୍କାର ସ୍ଥିତିରେ କ୍ରମାଗତ ଭାବେ ହେଉଛି ଅବନତି । ଆନ୍ତଃବ୍ୟାଙ୍କ ବୈଦେଶିକ ମୁଦ୍ରା ବଜାରରେ ସୋମବାର ଡଲାର ପିଛା ଟଙ୍କା ୫୫ ପଇସା ହ୍ରାସ ପାଇ ୮୭.୧୭ ରେ ପହଞ୍ଚିଛି। ପ୍ରଥମ ଥର ପାଇଁ ଡଲାର ପିଛା ଟଙ୍କା ୮୭ ତଳକୁ ଖସିଆସିଛି। ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କାନାଡା, ମେକ୍ସିକୋ ଏବଂ ଚୀନ୍ ଉପରେ ଶୁଳ୍କ ଲାଗୁ କରିବାକୁ ନିର୍ଦ୍ଦେଶ ନାମା ସ୍ୱାକ୍ଷର କରିବା ପରେ ବ୍ୟାପକ ବାଣିଜ୍ୟ ଯୁଦ୍ଧ ଆଶଙ୍କା ମଧ୍ୟରେ ସ୍ଥାନୀୟ ମୁଦ୍ରାରେ ଏହି ତୀବ୍ର ହ୍ରାସ ଘଟିଛି।ରିପୋର୍ଟ ଅନୁଯାୟୀ, ଆମେରିକୀୟ ଡଲାର ସୂଚକାଙ୍କରେ ବୃଦ୍ଧି ଏବଂ ଡୋନାଲ୍ଡ ଟ୍ରମ୍ପ କାନାଡା ଏବଂ ମେକ୍ସିକୋ ଉପରେ ୨୫ ପ୍ରତିଶତ ଏବଂ ଚୀନ୍ ଉପରେ ୧୦ ପ୍ରତିଶତ ଶୁଳ୍କ ଲାଗୁ କରିବା ବ୍ୟାପକ ବାଣିଜ୍ୟ ଯୁଦ୍ଧଆଶଙ୍କା ବଢ଼ାଇଦେଇଛି। ଏହାର ପ୍ରଭାବ ଭାରତୀୟ ମୁଦ୍ରା ଉପରେ ମଧ୍ୟ ପଡ଼ିଛି, ଯାହା ଆଜି ସର୍ବକାଳୀନ ସର୍ବନିମ୍ନ ସ୍ତରରେ ପହଞ୍ଚିଛି।ମିରେ ଆସେଟ୍ ସେୟାରଖାନର ଗବେଷଣା ବିଶ୍ଳେଷକ ଅନୁଜ ଚୌଧୁରୀ କହିଛନ୍ତି ଯେ ଦୁର୍ବଳ ଘରୋଇ ବଜାର ମଧ୍ୟରେ ଶକ୍ତିଶାଳୀ ଆମେରିକୀୟ ଡଲାର ଏବଂ ବିଦେଶୀ ପୁଞ୍ଜି ପ୍ରତ୍ୟାହାର କାରଣରୁ ଟଙ୍କା ନକାରାତ୍ମକ ପକ୍ଷପାତ ସହିତ କାରବାର କରିବ ବୋଲି ଆମେ ଆଶା କରୁଛୁ। ଆମେରିକୀୟ ପ୍ରଶାସନର ଶୁଳ୍କକୁ ନେଇ ଉଦ୍ବେଗ ମଧ୍ୟ ଟଙ୍କା ଉପରେ ଚାପ ପକାଇପାରେ।
