ପୃଥିବୀକୁ ଫେରି ଆସୁଛନ୍ତି ମହାକାଶଚାରୀ ସୁନିତା ୱିଲିୟମ୍ସ ଏବଂ ବୁଚ୍ ୱିଲମୋର
ମହାକାଶରେ ୨୮୬ ଦିନ ବିତାଇବା ପରେ, ନାସାର ମହାକାଶଚାରୀ ସୁନିତା ୱିଲିୟମ୍ସ ଏବଂ ବୁଚ୍ ୱିଲମୋର ପୃଥିବୀକୁ ଫେରି ଆସୁଛନ୍ତି । ଆଜି ଭାରତୀୟ ସମୟ ଅନୁସାରେ ସକାଳ ୧୦.୩୫ ମିନିଟରେ ସ୍ପେସଏକ୍ସର ଡ୍ରାଗନ ମହାକାଶଯାନ ତାଙ୍କୁ ଏବଂ ଅନ୍ୟ ଦୁଇ ମହାକାଶଚାରୀଙ୍କୁ ଧରି ଆନ୍ତର୍ଜାତୀୟ ମହାକାଶ ଷ୍ଟେସନ ଛାଡିଛି ।ନାସାର ମିଶନର ଅଂଶ ସ୍ୱରୂପ ଉଭୟ ମହାକାଶଚାରୀ ସୁନିତା ୱିଲିୟମ୍ସ ଏବଂ ବୁଚ୍ ୱିଲମୋର ଗତ ବର୍ଷ ଜୁନ୍ ୫, ୨୦୨୫ରେ ଏକ ବୋଇଂ ମହାକାଶଯାନରେ ଆନ୍ତର୍ଜାତୀୟ ମହାକାଶ ଷ୍ଟେସନ (ISS)କୁ ଯାତ୍ରା କରିଥିଲେ । ମିଶନ ମାତ୍ର ୧୦ ଦିନ ପାଇଁ ଥିଲେ ମଧ୍ୟ, ମହାକାଶଯାନରେ ଯାନ୍ତ୍ରିକ ତ୍ରୁଟି ଯୋଗୁଁ ଦୁହେଁ ପୃଥିବୀକୁ ଫେରିପାରିଲେ ନାହିଁ ।ଦୁହିଁଙ୍କ ପାଇଁ, ଏକ 10 ଦିନିଆ ମିଶନ 9 ମାସରୁ ଅଧିକ ସମୟ ଅପେକ୍ଷାରେ ପରିଣତ ହେଲା। ଏବେ ଏହି ଯୋଡି ମହାକାଶ ଷ୍ଟେସନରେ ଉପସ୍ଥିତ ଅନ୍ୟ ଦୁଇ ମହାକାଶଚାରୀଙ୍କ ସହିତ ଫେରି ଆସୁଛନ୍ତି । ଏହି ଅନ୍ୟ ଦୁଇ ମହାକାଶଚାରୀ ହେଉଛନ୍ତି ନିକ୍ ହେଗ୍ ଏବଂ ଆଲେକଜାଣ୍ଡାର ଗୋର୍ବୁନୋଭ୍ ।
ଚାରିଜଣ ମହାକାଶଚାରୀଙ୍କ ପାଇଁ ଏହି ଯାତ୍ରା 17 ଘଣ୍ଟା ଲାଗିବ । ବୁଧବାର ଭାରତୀୟ ସମୟ ଅନୁସାରେ ଭୋର 3:27 ରେ ଫ୍ଲୋରିଡାର ଗଲ୍ଫ କୂଳରେ ମହାକାଶଯାନଟି ସମୁଦ୍ରରେ ଲ୍ୟାଣ୍ଡ କରିବ ।ଏକ ରିପୋର୍ଟ ଅନୁସାରେ, 18 ହଜାର ଫିଟ୍ ଉପରେ ଖୁଲିସ ପାରାସୁଟ୍ । ଏହାପରେ ସମୁଦ୍ରରେ ଲ୍ୟାଣ୍ଡ କରିବ ।
