ଶୁକ୍ରବାର ସଂସଦ ଭବନର ସୁରକ୍ଷା ବ୍ୟବସ୍ଥା ପୁଣି ଥରେ ଉଲ୍ଲଂଘନ

ଶୁକ୍ରବାର ସଂସଦ ଭବନର ସୁରକ୍ଷା ବ୍ୟବସ୍ଥା ପୁଣି ଥରେ ଉଲ୍ଲଂଘନ କରାଯାଇଛି। ସକାଳ ପ୍ରାୟ ସାଢ଼େ ୬ଟା ସମୟରେ ଜଣେ ବ୍ୟକ୍ତି ଗରୁଡ଼ ଫାଟକର କାନ୍ଥ ଡେଇଁ ସଂସଦ ଭିତରକୁ ପ୍ରବେଶ କରିଥିଲେ। ସେଠାରେ ଉପସ୍ଥିତ ସୁରକ୍ଷା ବାହିନୀ ତୁରନ୍ତ ସନ୍ଦିଗ୍ଧ ବ୍ୟକ୍ତିଙ୍କୁ ଧରି ପଚରାଉଚରା ଆରମ୍ଭ କରିଥିଲେ। ବର୍ତ୍ତମାନ ପର୍ଯ୍ୟନ୍ତ ସେହି ବ୍ୟକ୍ତିଙ୍କଠାରୁ କୌଣସି ସନ୍ଦେହଜନକ ଜିନିଷ ଉଦ୍ଧାର କରାଯାଇ ନାହିଁ।

ଚଳିତବର୍ଷ ମୌସୁମୀ ଅଧିବେଶସନ ସରିବାର ଦିନକ ପରେ ଏହି ଘଟଣା ଘଟିଛି । ଆଜି ସକାଳ ପ୍ରାୟ ସାଢେ ୬ଟା ବେଳେ ଜଣେ ବ୍ୟକ୍ତି ପ୍ରଥମେ ଗଛରେ ଚଢି ପାଚେରୀ ଉପରକୁ ଚଢିଯାଇଥିଲା, ତାପରେ ଭିତରକୁ ପଶି ଗରୁଡ଼ ଫାଟକ ପର୍ଯ୍ୟନ୍ତ ପଳାଇଥିଲା । ଏହି ସମୟରେ ବ୍ୟକ୍ତିଙ୍କୁ ସେଠାରେ ବୁଲୁଥିବା ଦେଖି ସଂସଦ ଭବନରେ ଉପସ୍ଥିତ ସୁରକ୍ଷା କର୍ମୀ ତାଙ୍କୁ ଧରି ପକାଇଥିଲେ।ତେବେ କେଉଁ ଉଦ୍ଦେଶ୍ୟରେ ଦୁର୍ବୃତ୍ତ ଜଣକ ସଂସଦ ଭିତରକୁ ପଶିଥିଲା, ତାର କାରଣ ଜଣାପଡିନାହିଁ । ତେବେ ଯୁବକଙ୍କୁ ଧରିବା ପରେ ସୁରକ୍ଷା ବାହିନୀ ଏହି ଘଟଣା ବିଷୟରେ ଇଣ୍ଟେଲିଜେନ୍ସ ବ୍ୟୁରୋ (IB) ଏବଂ ଦିଲ୍ଲୀ ପୋଲିସର ସ୍ୱତନ୍ତ୍ର ଶାଖା ସମେତ ସମସ୍ତ କେନ୍ଦ୍ରୀୟ ଏଜେନ୍ସିକୁ ସୂଚନା ଦେଇଥିଲେ। ସମସ୍ତ ଏଜେନ୍ସି ଏହି ବ୍ୟକ୍ତିଙ୍କୁ ପଚରାଉଚରା କରୁଛନ୍ତି। ବ୍ୟକ୍ତିଙ୍କୁ ଏପର୍ଯ୍ୟନ୍ତ ଚିହ୍ନଟ କରାଯାଇ ନାହିଁ। ସେହିପରି, ଏହି ସନ୍ଦିଗ୍ଧ ବ୍ୟକ୍ତି ସଂସଦ ଭବନ ପରିସରରେ କାହିଁକି ଡେଇଁ ପଡ଼ିଲା ତାହା ମଧ୍ୟ ଜଣାପଡିନାହିଁ।

ଗତ ବର୍ଷ ମଧ୍ୟ ସୁରକ୍ଷା ଉଲ୍ଲଂଘନର ସମାନ ଘଟଣା ଘଟିଥିଲା, ଯେତେବେଳେ ଜଣେ ୨୦ ବର୍ଷୀୟ ଯୁବକ ସଂସଦ ଭବନ ଆନେକ୍ସରେ ପ୍ରବେଶ କରିଥିଲେ। ତଲାସୀ ସମୟରେ, ସେହି ବ୍ୟକ୍ତିଙ୍କଠାରୁ କୌଣସି ଆପତ୍ତିଜନକ ସାମଗ୍ରୀ ମିଳିନଥିଲା।