ଲୋନ୍ ବାହାନାରେ ଲୋକଙ୍କୁ ଲୁଟୁଥିବା ୩୫୦୦ ଆପକୁ ପ୍ଲେ ଷ୍ଟୋରରୁ ହଟାଇଲା ଗୁଗୁଲ୍
ନୂଆଦିଲ୍ଲୀ : ଲୋନ୍ ଦେବା ନାମରେ ଠକୁଥିବା ୩୫୦୦ ଆପକୁ ୨୦୨୨ରେ ଷ୍ଟୋରରୁ ହଟାଇଛି ଗୁଗୁଲ । ଏହା ସହିତ ଗୁଗୁଲ ୧୪.୩ ଲକ୍ଷରୁ ଅଧିକ ଏପରି ଆପକୁ ଷ୍ଟୋରରୁ ହଟାଇଛି, ଯାହା ନିୟମର ପାଳନ କରୁନଥିଲେ । ଗୁଗୁଲ କହିଛି ଯେ, ୧.୭୩ ଲକ୍ଷ ଖରାପ ଆକାଉଣ୍ଟକୁ ମଧ୍ୟ ବ୍ୟାନ୍ କରାଯାଇଛଇ । ଗୁଗୁଲ କହିଛି ଯେ ଏହି ଆପଗୁଡ଼ିକ ୧୬ ହଜାର ୩୫୦ କୋଟି ଟଙ୍କା ଠକିଛି ।
ଗୁଗୁଲ ଏକ ବିବୃତ୍ତିରେ କହିଛି, “ଭାରତରେ ୨୦୨୨ ମସିହାରେ ବ୍ୟକ୍ତିଗତ ଲୋନ୍ ଦେଉଥିବା ନାଁରେ ଠକୁଥିବା ୩୫୦୦ ଟି ଜାଲିଆତି ଆପର ଆମେ ସମୀକ୍ଷା କରିଥିଲୁ ଏବଂ ସେମାନଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରି ପ୍ଲେ ଷ୍ଟୋରରୁ ହଟାଇଥିଲୁ । ଏହି ଆପଗୁଡିକ ପ୍ଲେ ଷ୍ଟୋର ନିୟମକୁ ଉଲ୍ଲଂଘନ କରୁଥିଲା ।”
ଗୁଗୁଲ ଏହା ମଧ୍ୟ କହିଛି ଯେ, ସେ ଏକ Privacy Sandbox ଆଣିବାକୁ ପ୍ରସ୍ତୁତ ଆରମ୍ଭ କରିଛି । Privacy Sandbox ହେଉଛି ଏକ ଟେକ୍ନୋଲୋଜି ଯେଉଁଥିରେ ଅନଲାଇନ୍ ପ୍ଲାଟଫର୍ମରେ ବ୍ୟବହାରକାରୀଙ୍କ ଗୋପନୀୟତା ସୁରକ୍ଷିତ ରହିବା ସହ କମ୍ପାନୀ ଏବଂ ଡେଭଲପରମାନେ ସେମାନଙ୍କର ଡିଜିଟାଲ୍ ବ୍ୟବସାୟକୁ ସହଜରେ ବିକାଶ କରିପାରିବେ । Privacy Sandbox ବିଭିନ୍ନ ଆପ୍ ଏବଂ ସାଇଟ୍ ଦ୍ୱାରା ଟ୍ରାକିଂ ହ୍ରାସ କରିବାରେ ସାହାଯ୍ୟ କରେ ।
