ରେପୋରେଟ୍ ବୃଦ୍ଧି କଲା ଆର୍ବିଆଇ
ନୂଆଦିଲ୍ଲୀ: ଦେଶରେ ମହଙ୍ଗା ବଜାର ନିୟନ୍ତ୍ରାଣଧିନ ରହିଛି। ନିକଟରେ ବଜେଟରେ ସରକାର ଟ୍ୟାକ୍ସ କୋହଳ କରି ମଧ୍ୟବିତ୍ତଙ୍କୁ ଆସ୍ୱସ୍ତି ଦେଇଛି। ହେଲେ ଏପଟେ ଆର୍ବିଆଇ ରେପୋରେଟ୍ ବୃଦ୍ଧି କରି ପୁଣି ସାଧାରଣ ଜନତାଙ୍କୁ ଝଟ୍କା ଦେଇଛି। ରେପୋରେଟ୍କୁ ୨୫ ବେସିସ ପଏଣ୍ଟ (୦.୨୫%) ବଢାଇଛି RBI । ଫଳରେ ଦେଶର ସବୁପ୍ରକାର ଋଣ ମହଙ୍ଗା ହେବ। ପୁଣି ମଧ୍ୟବିତ୍ତଙ୍କ ପକେଟରୁ ଅଧିକ ଟଙ୍କା ଯିବ।
ମହଙ୍ଗା ବଜାର ନିୟନ୍ତ୍ରଣ ହେବା ପରେ ଲଗାତର ୬ ଥର ରେପୋରେଟ୍ ବୃଦ୍ଧି କରାଗଲାଣି। ଫଳରେ ରେପୋରେଟ୍ ୬.୨୫ ପ୍ରତିଶତରୁ ବୃଦ୍ଧି ହୋଇ ୬.୫୦ ପ୍ରତିଶତ ହୋଇଛି। ଏହାର ଅର୍ଥ ହେଲା ହୋମ୍ ଲୋନ୍ ଠାରୁ ଆରମ୍ଭ କରି ଅଟୋ ଲୋନ ସବୁର ମୂଲ୍ୟ ବଢ଼ିଯିବ। ଏଥିପାଇଁ ଗ୍ରାହକଙ୍କୁ ଅଧିକ ଇଏମ୍ଆଇ ଦେବାକୁ ପଡିବ। ବଜେଟ୍ ପରେ ଆର୍ବିଆଇର ମନିଟାରୀ ପିଲିସି କମିଟି ବୈଠକରେ ଏହି ନିଷ୍ପତ୍ତି ନିଆଯାଇଛି।
