ନଭେମ୍ବର ୧୮ରେ ରିଲିଜ୍ ହେବ ‘ଦୃଶ୍ୟମ୍-୨’ ଚଳଚ୍ଚିତ୍ର
ମୁମ୍ଵାଇ: ବର୍ତ୍ତମାନ ଅଜୟ ଦେବଗନ୍ଙ୍କର ଆଗାମୀ ଚଳଚ୍ଚିତ୍ର ‘ଦୃଶ୍ୟମ-୨’କୁ ନେଇ ଖୁବ୍ ଆଲୋଚନା ହେଉଛି। ନିକଟରେ ଖବର ଆସିଥିଲା କି ଏହି ଫିଲ୍ମର ସୁଟିଂ ଶେଷ ହୋଇଛି। ଏବେ ଫିଲ୍ମରୁ ଅଭିନେତ୍ରୀଙ୍କ ପ୍ରଥମ ପୋଷ୍ଟର ସେୟାର କରାଯାଇଛି। ଅଜୟ ନିଜେ ଏହି ପୋଷ୍ଟକୁ ସୋସିଆଲ୍ ମିଡିଆରେ ସେୟାର କରିଛନ୍ତି।
Sawaal yeh nahin ki aapki aakhon ke saamne kya hai; sawaal yeh hai ki aap dekh kya rahe hain. #Drishyam2
Case Reopens on 18th November, 2022.#Tabu #AkshayeKhanna @shriya1109 #RajatKapoor @ishidutta #MrunalJadhav @AbhishekPathakk #BhushanKumar @KumarMangat pic.twitter.com/SmiS6er0i3— Ajay Devgn (@ajaydevgn) October 15, 2022
କହିବାକୁ ଗଲେ ଏହି ଚଳଚ୍ଚିତ୍ରଟି ୨୦୧୫ରେ ଆସିଥିବା ‘ଦୃଶ୍ୟମ’ର ଏକ ସିକ୍ୱେଲ୍ ଅଟେ। ଫିଲ୍ମ ବିଷୟରେ କହିବାକୁ ଗଲେ ଅଜୟ ଅଭିନୀତ ବିଜୟ ସାଲଗାଓଁକାରଙ୍କ ମାମଲା ଏହି ଫିଲ୍ମରେ ପୁଣି ଥରେ ଖୋଲିବାକୁ ଯାଉଛି। ଏହି ଫିଲ୍ମ ୧୮ନଭେମ୍ବର ୨୦୨୨ରେ ମୁକ୍ତିଲାଭ କରୁଛି। ସେୟାର ହୋଇଥିବା ପୋଷ୍ଟରରେ ଅଜୟଙ୍କ ଲୁକ ବହୁତ ଦମ୍ଦାର ରହିଛି। ପୋଷ୍ଟରେ ଅଜୟ ତାଙ୍କ ହାତରେ ଏକ ବେଲଚା ଧରିଥିବାର ନଜର ଆସିଛନ୍ତି। ଏହା ସହିତ ଅଜୟ କ୍ୟାପସନରେ ଲେଖିଛନ୍ତି, ‘ପ୍ରଶ୍ନ ଆପଣଙ୍କ ଆଖି ସାମ୍ନାରେ ନୁହେଁ, ପ୍ରଶ୍ନ ହେଉଛି ଆପଣ କଣ ଦେଖୁଛନ୍ତି।’ ଏହା ସହିତ ଅଭିନେତା ଫିଲ୍ମର ରିଲିଜ୍ ତାରିଖ ବିଷୟରେ ସୂଚନା ମଧ୍ୟ ସେୟାର କରିଛନ୍ତି।
ଅଜୟଙ୍କ ବ୍ୟତୀତ ଶ୍ରୀୟା ସରଣ ଏବଂ ଇଶିତା ଦତ୍ତ ଫିଲ୍ମରେ ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସିବେ। ଏହି ଚଳଚ୍ଚିତ୍ରର ସଂଗୀତକୁ ଡିଏସପି ଅର୍ଥାତ୍ ଦେବୀ ଶ୍ରୀ ପ୍ରସାଦ ପ୍ରଦାନ କରିଛନ୍ତି। ଏଭଳି ପରିସ୍ଥିତିରେ, ପ୍ରଶଂସକମାନେ ଉତ୍ସାହର ସହିତ ଏହାର ଦ୍ୱିତୀୟ ଭାଗକୁ ଅପେକ୍ଷା କରିଛନ୍ତି । ଫିଲ୍ମର ପୋଷ୍ଟର ଦର୍ଶକଙ୍କ ମଧ୍ୟରେ ଉତ୍ସାହକୁ ଆହୁରି ବଢାଇ ଦେଇଛି।
