ଇଣ୍ଡିଆନ ଆଇଡଲ ସିଜନ ୧୩ର ଗାୟକ ଋଷିଙ୍କ ପ୍ରଶଂସକ ପାଲଟିଲେ ବିରାଟ କୋହଲି
ନୂଆଦିଲ୍ଲୀ: ଭାରତୀୟ କ୍ରିକେଟ ଦଳର ପୂର୍ବତନ ଅଧିନାୟକ ବିରାଟ କୋହଲି ସଙ୍ଗୀତକୁ ବହୁତ ଭଲ ପାଆନ୍ତି । ନିକଟରେ ଇଣ୍ଡିଆନ ଆଇଡଲ ସିଜନ ୧୩ର ଜଣେ ଗାୟକ ଋଷି ସିଂଙ୍କ ପ୍ରଶଂସକ ପାଲଟି ଯାଇଛନ୍ତି । ଋଷିଙ୍କ କେସରିୟା ତେରା ଇଶ୍କ ଗୀତ ଏତେ ସୁନ୍ଦର ଭାବେ ଗାଇଲେ ଯେ, କୋହଲି ଆଶ୍ଚର୍ଯ୍ୟଚକିତ ହୋଇ ପଡିଥିଲେ । କୋହଲି ତାଙ୍କ କଳାକୁ ପ୍ରଶଂସା କରିବା ସହ ବ୍ୟକ୍ତିଗତ ଭାବେ ମେସେଜ ମଧ୍ୟ ପଠାଇଥିଲେ ।
ଏପରିକି ସେ ତାଙ୍କୁ ଇନଷ୍ଟାଗ୍ରାମରେ ଫଲୋ ମଧ୍ୟ କରିଛନ୍ତି । ଆପଣ ଏ ଭଳି ଗୀତ ଗାଇ ଆଗକୁ ବଢ଼ି ଚାଲନ୍ତୁ । ଏହା ମୋର ଭଗବାନଙ୍କ ନିକଟରେ ପ୍ରାର୍ଥନା ବୋଲି ସେ ଲେଖିଛନ୍ତି । କୋହଲିଙ୍କଠାରୁ ପ୍ରଶଂସା ପାଇବା ପରେ ଋଷି ମଧ୍ୟ ଭାବପ୍ରବଣ ହୋଇ ପଡିଥିଲେ ।
