ହେରାଫେରୀ-୩ ପରେ ଏବେ ଅକ୍ଷୟ କୁମାରଙ୍କ ହାତରୁ ଗଲା ଆୱାରା ପାଗଲ ଦିୱାନା-୨, ୱେଲକମ-୩

ମୁମ୍ବାଇ: ଅକ୍ଷୟ କୁମାରଙ୍କ ବେଳା ଭଲ ନାହିଁ ଲଗାତର ଫିଲ୍ମ ଫ୍ଲପ ହେବା ପରେ ଏବେ ଭଲ ଭଲ ମୁଭି ତାଙ୍କ ହାତଛଡା ହେବାରେ ଲାଗିଛି । ହେରା ଫେରୀ-୩କୁ ନେଇ ଚର୍ଚ୍ଚା ଜୋର ଧରିଥିବା ବେଳେ ଅକ୍ଷୟ ଏ ଭଳି ଡିମାଣ୍ଡ କଲେ ଯେ, ପ୍ରଡ୍ୟୁସର ଫରୋଜ ନାଡିୟାଡୱାଲା ତାଙ୍କୁ ହଟେଇ କାର୍ତିକ ଆର୍ଯ୍ୟନଙ୍କୁ ସାଇନ କଲେ । ଅକ୍ଷୟ ୯୦ କୋଟି ପ୍ରଫିଟ ଶେୟାରିଂ ଡିମାଣ୍ଡ କରିଥିବା ବେଳେ କାର୍ତିକ ୩୦ କୋଟିରେ ଏହାକୁ କରିବାକୁ ରାଜି ହୋଇଥିଲେ। ନିକଟରେ ଏକ କାର୍ଯ୍ୟକ୍ରମରେ ଅକ୍ଷୟ ହେରାଫେରୀ ସ୍କ୍ରିପ୍ଟ ନେଇ ଅସନ୍ତୋଷ ବ୍ୟକ୍ତ କରିଥିଲେ। ସେ କହିଥିଲେ, ମୋତେ ଏ ଭଳି ଫିଲ୍ମ କରିବାକୁ ପଡିବ ଯାହାକୁ ଲୋକେ ଦେଖିବେ।

ତାଙ୍କର ଏହି ମନ୍ତବ୍ୟ ସାଜିଦଙ୍କୁ ବିଗାଡି ଦେଇଥିଲା । ସେ ଏହା ପରେ ଆୱାରା ପାଗଲ ଦିୱାନ-୨ ଓ ୱେଲକମ-୩ରୁ ଅକ୍ଷୟଙ୍କୁ ହଟେଇବା ପାଇଁ ଯୋଜନା ପ୍ରସ୍ତୁତ କରି ସାରିଛନ୍ତି । ଅକ୍ଷୟ କିମ୍ବା ଫିରୋଜଙ୍କ ପକ୍ଷରୁ ଏ ନେଇ କୌଣସି ବୟାନ ଆସି ନ ଥିବାରୁ ଖବରର ସତ୍ୟତା ନେଇ ଆଉ କିଛି ଦିନ ଅପେକ୍ଷା କରିବାକୁ ପଡିବ ।