ଟାଇମ ମାଗାଜିନର ପ୍ରଭାବଶାଳୀ ବ୍ୟକ୍ତିତ୍ୱ ତାଲିକାର ଶୀର୍ଷରେ ରହିଲେ ଅଭିନେତା ଶାହାରୁଖ ଖାଁ

ଲଣ୍ଡନ: ଟାଇମ ମ୍ୟାଗାଜିନର ରିଡର୍ସ ପୋଲରେ ଭାରତର ଅଭିନେତା ଶାହାରୁଖ ଖାଁ ବାଜି ମାରିଛନ୍ତି । ପ୍ରଭାବଶାଳୀ ବ୍ୟକ୍ତିଙ୍କ ତାଲିକାରେ କିଙ୍ଗ ଖାଁ ଶୀର୍ଷରେ ରହିଛନ୍ତି । ତାଙ୍କୁ ଓଭରାଲ ୪ ପ୍ରତିଶତ ଭୋଟ ମିଳିଥିଲା । ହିଜାବ ବିରୋଧ ଆନ୍ଦୋଳନରେ ସାମିଲ ହୋଇଥିବା ଇରାନ ମହିଳାମାନଙ୍କୁ ଦ୍ୱିତୀୟ ସ୍ଥାନରେ ରଖାଯାଇଛି । ସେହିପରି ବିଶ୍ୱର କୋଭିଡ ହେଲଥ ୱାର୍କର୍ସଙ୍କୁ ତୃତୀୟ ସ୍ଥାନରେ ରଖାଯାଇଛି । ବ୍ରିଟେନର ପ୍ରିନ୍ସ ହ୍ୟାରୀ ଚତୁର୍ଥ ଏବଂ ଆର୍ଜେଂଟିନାର ଫୁଟବଲ ଖେଳାଳି ଲିଓନେଲ ମେସି ୫ମ ସ୍ଥାନରେ ରହିଛନ୍ତି । ଏହି ସର୍ଭେରେ କୋଭିଡ ହେଲଥ ୱାର୍କର୍ସଙ୍କୁ ୨ ପ୍ରତିଶତ, ଇରାନ ମହିଳାଙ୍କୁ ୩ ପ୍ରତିଶତ, ପ୍ରିନ୍ସ ହ୍ୟାରୀଙ୍କୁ ୧.୯ ଏବଂ ମେସିଙ୍କୁ ୧.୮ ପ୍ରତିଶତ ଭୋଟି ମିଳିଥିଲା ।

ଏହି ସର୍ଭେରେ ୧.୨ ମିଲିୟନ ବ୍ୟକ୍ତି ସାମିଲ ହୋଇଥିଲେ । ଟାଇମ.କମ ଅନୁସାରେ ୧୩ ଏପ୍ରିଲରେ ଏହାର ଚୂଡାନ୍ତ ଲିଷ୍ଟ ଜାରୀ କରାଯିବ । ୧୯୮୯ରେ ଟିଭି ସିରିୟଲ ଫୌଜି ମାଧ୍ୟମରେ ଅଭିନୟ ଆରମ୍ଭ କରିଥିଲେ । ଏ ପର୍ଯ୍ୟନ୍ତ ସେ ୧୦୮ ଫିଲ୍ମରେ କାମ କରି ସାରିଛନ୍ତି । ନିକଟରେ ତାଙ୍କର ପଠାନ ଫିଲ୍ମ ବକ୍ସ ଅଫିସରେ ଅନେକ ରେକର୍ଡ ସୃଷ୍ଟି କରିଛି ।