ଚଳଚ୍ଚିତ୍ର ‘ତାଲି’ରେ ଟ୍ରାନ୍ସଜେଣ୍ଡର ଭୂମିକାରେ ନଜର ଆସିବେ ସୁସ୍ମିତା ସେନ
ମୁମ୍ବାଇ: ଦୀର୍ଘଦିନ ପରେ ବଡ଼ ପରଦାରେ ନଜର ଆସିବେ ଅଭିନେତ୍ରୀ ସୁସ୍ମିତା ସେନ। ସେ ପୁଣି କିନ୍ନର ଲୁକରେ। ଅଭିନେତ୍ରୀ ସୁସ୍ମିତା ସେନ୍ ଗୁରୁବାର ତାଙ୍କ ଇନଷ୍ଟାଗ୍ରାମ ହ୍ୟାଣ୍ଡେଲରେ ଆଗାମୀ ଚଳଚ୍ଚିତ୍ର ‘ତାଲି’ର ପ୍ରଥମ ଲୁକ୍ ସେୟାର କରିଛନ୍ତି। ଚଳଚ୍ଚିତ୍ର ‘ତାଲି’ରେ କିନ୍ନର ଗୌରୀ ସାୱନ୍ତଙ୍କ ବାୟୋପିକ ଅଟେ। ଏହି ଚଳଚ୍ଚିତ୍ର ମାଧ୍ୟମରେ ସୁସ୍ମିତା ସେନ୍ ତାଙ୍କ ଜୀବନର ଚରିତ୍ରରେ ନଜର ଆସିବେ। ‘ତାଲି’ର ପ୍ରଥମ ପୋଷ୍ଟରରେ ସେ ଗୌରୀ ସାୱନ୍ତଙ୍କ ଅବତାରରେ ନଜର ଆସିଛନ୍ତି। ସେ ନାଲି ସବୁଜ ଶାଢୀ ପିନ୍ଧିଛନ୍ତି ଏବଂ କପାଳରେ ଏକ ବଡ ମାରୁନ ବିନ୍ଦି ଲଗେଇଛନ୍ତି। ଲୋକମାନେ ତାଙ୍କର ନୂତନ ଅବତାରକୁ ବହୁତ ପସନ୍ଦ କରନ୍ତି।
ଗୌରୀ ସାୱନ୍ତଙ୍କୁ ‘କୌନ ବାନେଗା କରୋଡପତି ସିଜନ ୯’ ରେ ଦେଖିବାକୁ ମିଳିଥିଲା ଏବଂ ଉଷା ଉଥୁପ ତାଙ୍କୁ ଦେହଜୀବୀଙ୍କ ପାଇଁ ଘର ନିର୍ମାଣ କରିବାରେ ଟଙ୍କା ସଂଗ୍ରହ କରିବାକୁ ସହାୟତା କରିଥିଲେ। ଗୌରୀ ସାୱନ୍ତଙ୍କ ଉଦ୍ଧେଶ୍ୟରେ ସୁସ୍ମିତା ସେନ୍ ଏହି ପୋଷ୍ଟର କ୍ୟାପସନ୍ ଦେଇଛନ୍ତି, “କ୍ଲାପ-ବାଜାଓଙ୍ଗି ନାହିଁ, ବଜୱାଙ୍ଗୀ । ଏହି ସୁନ୍ଦର ବ୍ୟକ୍ତିଙ୍କ ଚରିତ୍ର କରିବା ଏବଂ ତାଙ୍କ କାହାଣୀକୁ ଦୁନିଆକୁ ଆଣିବାର ସୌଭାଗ୍ୟ ପାଇ ମୁଁ ଗର୍ବିତ।”
ସୂଚନା ଥାଉକି, ଗୌରୀ ସାୱନ୍ତ ମୁମ୍ବାଇର ଜଣେ ଟ୍ରାନ୍ସଜେଣ୍ଡର ଆକ୍ଟିଭିଷ୍ଟ। ତାଙ୍କୁ ଭିକ୍ସ ଆଡରେ ଜଣେ କିନ୍ନ ମାତା ଭାବରେ ଦେଖାଇଯାଇଛି। ସେ ତୃତୀୟ ଲିଙ୍ଗର ଷ୍ଟେରିଓଟାଇପ୍ ଉପସ୍ଥାପନା ଭାଙ୍ଗିବା ପାଇଁ ଏକ ଅନାଥ ଝିଅକୁ ପାଳିଛନ୍ତି। ଖାରଗଡ଼ ନିକଟରେ ଦେହଜୀବୀମାନଙ୍କ ପାଇଁ ଏକ ଘର ନିର୍ମାଣ କରିବା ପାଇଁ ସେ ‘କୌନ ବନେଗା କରୋଡପତି ସିଜନ୯’ ରେ ଭାଗ ନେଇଥିଲେ। ଏହି ଶୋରୁ ଜିତିଥିବା ଅର୍ଥରୁ ସେ ଘର ନିର୍ମାଣ କରିବାରେ ସଫଳ ହୋଇଛନ୍ତି।
